Տաթեւ Սարգսյանը սերիալում դեր կերտելուց հետո այս շրջանում աշխատում է երեւանյան հագուստի սրահներից մեկում որպես վիզուալ-մերչենդայզեր."Շատերն այնպես են արձագանքում դրան, կարծես ամոթալի վայրում ամոթալի աշխատանք եմ կատարում: Բայց ես, այնուամենայնիվ, առանց բարդույթների ու մեծ հաճույքով շարունակում եմ ապահովել խանութի արտաքին դիզայնը”,-BRAVO.am-ի հետ զրույցում նշել է նա:

Տաթեւ Սարգսյանը

Սերիալային դերասանուհին խանութի հաճախորդների զարմանքը բացատրում է հետեւյալ կերպ."Նրանց թվում է` ես ինքնագոհ մի աղջիկ եմ, ինչ է թե սերիալում եմ նկարահանվել, տարօրինակ է թվում սովորական աշխատանքային կերպարս”:

Տաթեւ Սարգսյանը

Տաթեւի փոխանցմամբ` շատ ջերմ հարաբերությունների մեջ է իր նոր աշխատակազմի ու խանութ-սրահի հաճախորդների հետ."Այս երկու ամսվա ընթացքում նրանցից ոչ ոք երբեւէ չի ասել, որ ես աստղային հիվանդությամբ եմ տառապում, շատերի կարծիքով էլ դրա փոքր չափաբաժինն իմ դեպքում օգտակար կլիներ, բայց կարծում եմ` ցանկացած ոլորտում միայն իմ անմիջականությունն ինձ օգտակար կլինի”:

Տաթեւ Սարգսյանը

Նա վստահ է, որ շատ քիչ մարդիկ են կարողանում դրսեւորել իրենց տարբեր ոլորտներում."Ոչ բոլորը կարող են համատեղել տարբեր աշխատանքներ` միեւնույն ժամանակ սիրելով ու նվիրվելով յուրաքանչյուրին”:

Այնուամենայնիվ, Տաթև Սարգսյանի խոսքով` եթե ընտրության առջեւ կանգներ, միանշանակ կընտրեր դերասանի աշխատանքը."Ի ուրախություն ինձ եւ շատերի, որոնք ինձ հաճախ են դիմում կրկին եթերում տեսնելու հարցով, նշեմ, որ շուտով հանդես կգամ նոր նախագծի մի քանի սերիայում: Օրեր առաջ վերսկսել եմ նկարահանումներս ու հասկացել, թե որքան էի կարոտել այդ աշխարհը”:

Տաթեւ Սարգսյանը

Դերասանուհին, դեռ չցանկանալով բացել նոր նախագծի փակագծերը, միայն նշել է, որ այն կրկին Դիանա Գրիգորյանի մտահղացումն է:

Տեքստը` Դիանա Հովհաննիսյանի/Bravo.am/
Լուսանկարները` BRAVO.am-ի, "Armenion Photography”-ի եւ Տաթեւ Սարգսյանի անձնական արխիվից