Դաղստանում 17-ամյա տղան վրեժ է լուծել հորը սպանած, մորը մարմնական վնասվածքներ պատճառած ծանոթից:

Արյունալի միջադեպի պատճառը եղել է անչափահասների վեճը: Ազամատ Ալիևը 10.000 ռուբլի էր խնդրել դասընկերուհուց ու հրաժարվել վերադարձնել: Չնայած բազմաթիվ զգուշացումներին՝ տղայի ընտանիքն այդպես էլ գումարը հետ չի տվել: Աղջկա հայրը՝ 44-ամյա Մուրզաբեկ Գասանովը, վերցրել է որսորդական հրացանն ու գնացել պարտապանի տուն,- հայտնում է Lifenews-ը: Որոշ ժամանակ անց տան բակում կրակոցներ են հնչել. Մուրզաբեկը սպանել է տղայի հորը, մարմնական վնասվածքներ հասցրել՝ մորը: Տեսնելով այդ ամենն՝ Ազամատը՝ զենքը ձեռքին դուրս է վազել տանից, մեքենայով սլացել դասընկերուհու հոր հետևից ու սպանել նրան, ապա ներկայացել ոստիկանություն: 
Հարուցվել է քր. գործ՝ սպանության փաստով:

mamul.am