2030թ. մարդիկ օրգազմի եւ մարմնական այլ հաճելի զգացողությունների հասնելու համար ստիպված չեն լինի սեքսով զբաղվել: Դրա համար բավական կլինի մեկ անգամ մաշկի վրա տեղադրել միկրոսխեմաներ, որոնք կգրանցեն նյարդային համակարգի ազդակները սեքսի ժամանակ եւ կարող են վերախաղարկել դրանք ցանկացած պահի ցանկացած հաճախականությամբ: 

Բրիտանացի ֆուտուրոլոգ Յեն Փիրսոնը կարծում է, որ մոտ ժամանակներս հասանելի կլինեն ընկալող-հաղորդող սարքեր, որոնք կարող են բացահայտել եւ մաշկին ամրացված չիպերի հիշողության մեջ գրանցել որոշակի զգացողություններ առաջացնող խթանները՝ ձեռքսեղմումը, գրկախառնությունը, սեքսը: Չիպի հիշողության մեջ ֆիքսվելուց հետո դրանք մարդու հրահանգով կարող են նույն կերպ խթանել մարդու նյարդային համակարգը՝ ստեղծելով, օրինակ, ճնշման, ջերմության, շարժման պատրանք: 

Փիրսոնը վստահ է նաեւ, որ հետագայում այդպիսի չիպերը հնարավոր կլինի տեղադրել մարդու ուղեղում: Արդյունքում մարդը կարող է ցանկացած պահի օրգազմ ապրել՝ առանց սեքսով զբաղվելու: Դրա համար անհրաժեշտ է միայն սեղմել համակարգչի համապատասխան կոճակը, որից հետո անլար կապով չիպին ազդանշան կփոխանցվի, որը կխթանի օրգազմի համար պատասխանատու նեյրոնների խումբը: 

Ֆուտորոլոգը վստահ է, որ այս նորամուծությունները հաջողված կոմերցիոն նախագիծ կդառնան: