Միջնակարգ դպրոցի 5 շրջանավարտներ ձերբակալվել են մի տղամարդու սպանության մեղադրանքով, ում գլխատված մարմինը հայտնաբերվել է այսօր առավոտյան, Մոսկվայի արևելյան հատվածում, հաղորդում է «interfax.ru»-ն՝ հղում անելով իրավապահ մարմիններին:

«Այդ հանցագործությունը կատարելու կասկածանքով ձերբակալվել և ՆԳՆ «Հյուսիսային Իզմայելովոյի» բաժին բերման են ենթարկվել հինգ պատանի՝ Մոսկվայի դպրոցների շրջանավարտներ»,- հաղորդել են գործակալությանը այդ բաժանմունքից: Ըստ նույն աղբյուրի՝ «պատանիներն արդեն տալիս են խոստովանական ցուցմունքներ»:

Գործակալությունը նաև տեղեկացնում է, որ փաստի մասին իրավապահ մարմինները դեռևս պաշտոնական տեղեկատվություն չեն տարածել: