Slaq.am-ը շարունակում է նամակներ ստանալ իր ընթերցողներից: Այս անգամ մեզ գրել է 27- ամյա Նարինեն:

Բարև ձեզ, ես երկար եմ մտածել ձեզ գրելուց առաջ, սակայն սարսափելի ձեր օգնության կարիքն ունեմ: Ես խենթի պես սիրահարվել եմ իմ հորեղբոր տղային: Գիտեմ, որ դա հակաքրիստոնյա է, սակայն զգացմունքներս կառավարել չեմ կարողանում: Նա ևս ունի զգացմունքներ իմ նկատմամբ: Մենք հանդիպել ենք Ծաղկաձորում, ծանոթացել սեմինարի ժամանակ, սակայն, ոչ ես ու ոչ էլ նա չէինք էլ կարող պատկերացնել, որ բարեկամներ ենք: Հայրիկս ու հորեղբայրս հարազատ եղբայրներ են միայն մեկ կողմանի, նրանց մայրերը տարբեր են: Պապիկիս մի օր լքել է իր կինն ու որդու հետ գնացել արտերկիր ու նրանք այլևս չեն լսել նրանց մասին: Պապիկս երկրորդ անգամ է ամուսնացել ու ծնվել է հայրիկս: Ես գիտեի այդ պատմության մասին, սակայն մտքովս էլ չէր կարող անցնել, որ Մանվելը հենց հորեղբորս տղան է: Երբ իմացա այդ մասին առաջին քայլս Մանվելին ասելն էր, սակայն նրան չի հետաքրքրում մեր բարեկամական կապը: Անկեղծ ասած իմ սերն էլ ավելի ուժեղ է քան ցանկացած կարծիք, սակայն վախենում եմ ունենալ վատառողջ երեխա: Ինչ կարող եմ անել, չգիտեմ: Հայրս ևս դեմ է: Իսկ Մանվելի ծնողների կարծիքը վախեցել եմ հարցնել: