Հետաքրքիր Փաստեր Пятница, 22.11.2024, 12:10
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Մանկատնից փախել է 15-ամյա հղի սանուհին

Ամերիկուհուն հեռացրել են աշխատանքից մեծ կրծքերի պատճառով

[Անիմացիա]
Անհաջող Թռիչք 2

Երջանիկ ամուսնության գաղտնիքը. հետազոտություն

Սիրուհու հետ սեքսով զբաղվելիս մահն ավելի հավանական է, քան կնոջ հետ. հետազոտություն

Յասիր Արաֆաթի հագուստի ու անձնական իրերի վրա հայտնաբերվել են պոլոնիումի հետքեր

[Անիմացիա]
группа-пении кошек

Կուբանի ջրհեղեղի հետեւանքով անհետ կորած է համարվում Դավթյանների ընտանիքը

15-ամյա աղջնակը քաղաքապետ է դարձել

[Անիմացիա]
Жми КЛАСС

[Անիմացիա]
Սեղմիր Класс

Հոգեբանները պարզել են լավագույն վայրը ծանոթություններ հաստատելու համար

Որոնք են տղամարդկանց մոտ ամենատարածված սեքսուալ մոլորությունները

Համատեղ աշխատանքը բացասաբար է ազդում հարաբերությունների վրա

Սխալմամբ իր հաշվեհամարի վրա հայտնված 1,5 մլն դոլարն ամերիկացին պարտվել է խաղատանը

[Անիմացիա]
Սեղմիր Класс

Իսկ դուք պատրաստ եք սեքսով չզբաղվելու դիմաց վճարել

Տղամարդու հետ զրույցի թեմաների թոփ 5-յակ

ՎԱՆԱՁՈՐԸ Սովետական Միության ժամանակ Video

Поиск
Главная » 2013 » Օգոստոս » 26 » Գևորգը հարևանուհուն ծեծելով պայքարում էր իրենց շենքի մարմնավաճառության դեմ
11:07
Գևորգը հարևանուհուն ծեծելով պայքարում էր իրենց շենքի մարմնավաճառության դեմ

Վերաքննիչ քրեական դատարանում սկսվել է Գևորգ Գևորգյանի գործով բերված վերաքննիչ բողոքների քննությունը:

Գործը քննվել է Սյունիքի մարզի ընդհանուր իրավասության դատարանում Լեռնիկ Աթանյանի նախագահությամբ:

33-ամյա Գևորգ Գևորգյանին մեղադրանք էր առաջադրվել շորթման ու տուժողի նկատմամբ բռնություն գործադրելու, ծեծելու համար՝ ՀՀ քրեական օրենսգրքի 182 հոդվածի 1-ին մասով և 118 հոդվածով: 

Տուժողը Գևորգի հարևանուհի Հերմինեն է, ով ինքն էլ չի ժխտել, որ զբաղվում է մարմնավաճառությամբ:

2013 թվականի հունվարի 14-ին Հերմինեն հաղորդում է տվել ոստիկանությունում, թե հարևան Գևորգը, իմանալով, որ ինքը զբաղվում է մարմնավաճառությամբ, 2012 թվականի հոկտեմբերից սկսած՝ պարբերաբար իրեն հանդիպել է շենքի մուտքում կամ այցելել է իր բնակարան, սպառնացել, թե մարմնական վնասվածքներ կպատճառի իրեն ու իր երկու անչափահաս երեխաներին, խնդիրներ կառաջացնի իր համար, եթե ինքը նրան կանխիկ գումար չտա: 

Ինքը, մտածելով, թե անպաշտպան է, ապրում է երկու երեխաների հետ, իսկ Գևորգը նախկինում դատվել է դանակահարության ու ավազակության համար, կարող է վնասել իրեն, իրագործել սպառնալիքները, պարբերաբար Գևորգին տվել է 3-ից 5 հազար դրամ, լիցքավորման քարտեր, ոսկե մատանի: 

Ըստ Հերմինեի՝ 2013 թվականի հունվարի 13-ի երեկոյան Գևորգը դարձյալ մտել է իր բնակարան, հայհոյել, ձեռքերով ու ոտքերով հարվածներ հասցրել իր մարմնի տարբեր մասերին, ծեծել է նաև այդ պահին իր տանը գտնվող ընկերուհուն:

Ընդհանուր իրավասության դատարանում Գևորգ Գևորգյանը շորթման մասով իրեն մեղավոր չի ճանաչել, իսկ ծեծի մասով մեղավոր է ճանաչել մասնակիորեն:

Ըստ Գևորգի՝ տուժող Հերմինեին ճանաչել է մանկուց: Նրա երեխաների հետ եղել է լավ հարաբերությունների մեջ:

30 հազար դրամով Հերմինեին վաճառել է իր լուսանկարչական ապարատը, 40 հազար դրամով՝ բջջային հեռախոսը: Պայմանավորվել են, որ Հերմինեն այդ գումարները կվճարի մաս-մաս: 

Ինքը Հերմինեին զգուշացրել է, որ մարմնավաճառ ընկերուհիներին տուն չթողնի, քանի որ նրանց հետ շենք էին գալիս անծանոթ տղաներ՝ ոգելից խմիչք օգտագործած վիճակում:

2013 թվականի հունվարի 10-ին ինքը մտել է Հերմինեի տուն, զայրացած պահանջել, որ մարմնավաճառ ընկերուհուն հանի տանից:

Հաջորդ օրը իրեն զանգել են ու Սևանի գաղութում գտնվող Արտյոմի անունից ասել, որ Հերմինեին նեղություն չտա: Ինքը զայրացած գնացել է Հերմինեի տուն, վիճաբանել նրա ու ընկերուհու հետ: 

Հերմինեի ահազանգով ոստիկաններ են եկել, իրեն ձերբակալել: 

Ընդհանուր իրավասության դատարանը եզրակացրել է. «Գործով ձեռք չի բերվել որևէ ապացույց, որը կհաստատեր, թե տուժողը ամբաստանյալին գումարներ է տվել վերջինիս կողմից բռնության գործադրման սպառնալիքի ու վախի ազդեցությամբ... Դատարանը գտնում է, որ Գևորգ Գևորգյանի արարքում բացակայում է շորթման՝ ՀՀ քրեական օրենսգրքի 182 հոդվածի 1-ին մասով նախատեսված հանցագործության հատկանիշները, հետևաբար նաև՝ հանցակազմը»:

Ընդհանուր իրավասության դատարանը շորթման մասով արդարացրել է Գևորգ Գևորգյանին՝ նրա արարքում հանցակազմի բացակայության պատճառով: Իսկ ՀՀ քրեական օրենսգրքի 118 հոդվածով Գևորգ Գևորգյանը մեղավոր է ճանաչվել ու դատապարտվել 100 հազար դրամ տուգանքի: Գևորգյանին անհապաղ ազատ են արձակել դատարանի դահլիճում: 

Դատավճռի դեմ վերաքննիչ բողոքներ են բերել մեղադրողը և տուժող Հերմինեն:

Մեղադրողը պահանջել է Գևորգյանին մեղավոր ճանաչել նաև շորթման մասով, նրան վերջնականապես դատապարտել 4 տարի ազատազրկման և 100 հազար դրամ տուգանքի: Դատախազը միջնորդել է նաև, որ վերաքննիչ դատարանը Գևորգյանի նկատմամբ խափանման միջոց ընտրի կալանավորումը՝ 2 ամսով, որպեսզի, ըստ երևույթին, Գևորգյանն անհապաղ կալանավորվի ու վերաքննիչի որոշմանը սպասի անպայման անազատության պայմաններում: 

Վերաքննիչ քրեական դատարանին ուղղված նման պահանջ հազվադեպ կարելի է հանդիպել: Եթե դատարանը շուտափույթ կալանքի տակ առնի ամբաստանյալին, որի գործով բերված բողոքների քննությունը դեռ չի ավարտել, նշանակում է ի սկզբանե ցույց կտա իր կողմնակալ վերաբերմունքը: 

Ի վերջո, եթե դատարանը վերաքննության արդյունքում մեղադրողի բողոքը բավարարի ու ազատազրկման դատապարտի ամբաստանյալին, այդ նույն դատական ակտով էլ կանդրադառնա խափանման միջոցի հարցին, այն էլ՝ ոչ 2 ամսվա կտրվածքով:

Վերաքննիչ դատարան էր ժամանել տուժող Հերմինեն՝ փոքրամարմին, անշուք մի կին, հինավուրց մասնագիտության ևս մի հայուհի ներկայացուցչուհի, ում տանը, ըստ քրեական գործի նյութերի, մեծանում են 14 և 15 տարեկան աղջիկները, հյուրընկալվում են նրա «գործընկեր» մարմնավաճառուհիները և այցելություններ են կատարում տարբեր տղամարդիկ: 

Հիմա արդեն հինավուրց մասնագիտությամբ զբաղվողները առանձնապես չեն քաշվում իրենց «գործի» պատճառով, քիչ է մնում հպարտություն էլ զգացվի նրանց կեցվածքում:

Հերմինեն հազիվ տառաճանաչի կակազումով փորձեց ընթերցել իր բերած բողոքը, բայց նրա «ընթերցանությունը» անհասկանալի էր բոլոր ներկաների, այդ թվում՝ դատավորների համար: Խնդրեցին, որ տուժողն ինքն իրեն ու ներկաներին չտանջի, այլ գոնե մի կերպ կարդա, թե ինչ պահանջ ունի: 

Հերմինեի բողոքի պահանջը մեղադրողի բողոքում արտահայտված պահանջին համահունչ էր: Ի հավելումն՝ Հերմինեն պահանջում էր, որ Գևորգից հօգուտ իրեն բռնագանձեն շորթված բոլոր գումարները:

Գևորգ Գևորգյանը նախ հրաժարվեց պաշտպանից, ասաց, թե իր պաշտպանությունն ինքը կիրականացնի: Ապա առարկեց բերված բողոքների դեմ՝ ի տարբերություն խիստ ցածրաձայն ու անհասկանալի խոսող Հերմինեի՝ շատ կրակոտ ու բուռն ելույթ ունենալով: 

Նա ասաց, թե անցած տարվա հոկտեմբերին ամուսնացել է իրենից 14 տարով փոքր՝ 19-ամյա անմեղ մի աղջկա հետ, արդեն ծնվել է իրենց երեխան, ու ինքը չի ցանկանում, որ իր մանկամարդ կինը շենքի մուտքում պարբերաբար հանդիպի Հերմինեի տուն գնացող-եկող մարմնավաճառների ու հաճախորդ տղամարդկանց: Ամբաստանյալն ասաց, թե ամբողջ շենքն է դժգոհ Հերմինեի պահվածքից, բայց վախեցել են բողոքել, որովհետև Հերմինեն կարող էր «գործ սարքել», ինչպես, ահա, սարքել է իր գլխին:

Գևորգն ընդունեց, որ «հունընվարի» 13-ին բռնություն է գործադրել Հերմինեի նկատմամբ, այսինքն՝ քրեական օրենսգրքի 118 հոդվածով մեղսագրված արարքը կատարել է, բայց պնդեց, թե երբեք Հերմինեից շորթում չի կատարել, նրա երեխաներին չի սպառնացել: 

Մեղադրողը, պատճառաբանելով, թե ընդհանուր իրավասության դատարանում վկաների հարցաքննության արձանագրությունը կազմված է թերություններով, միջնորդեց վերաքննիչ դատարան հրավիրել ու հարցաքննել Հերմինեի երկու դուստրերին և «գործընկերուհի» Լիլիթին:

Վերաքննիչ դատարանը բավարարեց մեղադրողի միջնորդությունը, անցավ վերաքննության կարգի և որոշեց հաջորդ դատական նիստին հրավիրել հիշյալ վկաներին:
1in.am
    Просмотров: 457 | Добавил: Stepan | Рейтинг: 5.0/1
    Всего комментариев: 0
    Добавлять комментарии могут только зарегистрированные пользователи.
    [ Регистрация | Вход ]
    Նկարներ
    Copyright MyCorp © 2024