Հետաքրքիր Փաստեր Երեքշաբթի, 10.03.2026, 03:20
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Աշխարհի ամենահայտնի պատանին հրաժեշտ տվեց դպրոցին

Ամռանը կազմվածքը փչացնող հինգ հանգամանք

Ինչպես ձգել մաշկը նիհարելուց հետո

Պուգաչովան` երիտասարդ ու մերկ

Սեղմիր Класс

«Հանրային լողափի» մոտ տղամարդու դի է հայտնաբերվել

[Անիմացիա]
Սեղմիր Класс

Կուբանի ջրհեղեղի հետեւանքով անհետ կորած է համարվում Դավթյանների ընտանիքը

Երեւանյան լճի մարմնավաճառուհիների միջեւ դանակահարություն է տեղի ունեցել

Դերասանուհին ամուսնացել է կնոջ հետ

Ավրաամ Ռուսոն Հայաստանի քաղաքացիություն է ստացել

Աշխարհի ամենասարսափելի լողավազանը (լուսանկարներ)

Սիրո լեզուն, այնուամենայնիվ, գոյություն ունի

«Ռոյալ» տաքսի ծառայության վարորդը ուզում էր ինքնահրկիզվել կնոջ պատճառով

Ինչպես ճիշտ հաճոյախոսել. հաճոյախոսության տեխնիկա

Մարմնավաճառն էլ սիրտ ու հոգի ունի, պետք չի պահպանակը վրան թողնել

Էշթոն Կատչերն ու Միլա Կունիսը այլեւս չեն կարող թաքցնել. ֆիքսել են նրանց համբույրը

Կարմիր շրթներկով կնոջ համար տղամարդիկ պատրաստ են շռայլել

[Անիմացիա]
Սեղմիր Класс

Поиск
Главная » 2013 » Հունիս » 12 » Գավառի խանութներից մեկում «նիսյա» ծխախոտի համար դանակի հարվածներով սպանություն է տեղի ունեցել
08:47
Գավառի խանութներից մեկում «նիսյա» ծխախոտի համար դանակի հարվածներով սպանություն է տեղի ունեցել

Վերաքննիչ քրեական դատարանի վարույթում է Արման Հովսեփյանի և Շահեն Չանդոյանի գործով բերված բողոքների քննությունը:

Գործը քննել ու դատավճիռը կայացրել է Գեղարքունիքի մարզի ընդհանուր իրավասության դատարանը Աղվան Պետրոսյանի նախագահությամբ:

Գործի քննությամբ հաստատված է գնահատվել, որ Գեղարքունիքի մարզի Գանձակ գյուղի բնակիչ Վիգեն Սահակյանը և նրա մորաքրոջ որդի, Գավառ քաղաքի բնակիչ Շահեն Չանդոյանը 2012 թվականի ապրիլին ցանկացել են մեկնել ՌԴ՝ արտագնա աշխատանքի: 

Ապրիլի 16-ին Շահենը մեկնել է Գանձակ գյուղ, Վիգենի ու նրա հետ Ռուսաստան մեկնող ընկերների մասնակցությամբ մատաղ են արել, խնջույք կազմակերպել Գանձակ գյուղից դուրս՝ դաշտում:

Մատաղի արարողությունը, ինչպես լինում է շատ հաճախ, վերածվել է կուշտուկուռ ուտել-խմելու:

Խնջույքի ժամանակ օղի են խմել, վերջում Շահենը խմածության պատճառով չի կարողացել ինքը վարել իր «Գազ-3110» ավտոմեքենան, խնդրել է, որ Վիգենը այն վարի ու նույն օրը, ժամը 23-ին իրեն տուն տանի՝ Գավառ:

Շահենը ցանկացել է տուն գնալուց առաջ ծխախոտ ու «բան-ման» առնել, իսկ Գավառի խանութներից այդ ժամին աշխատել է «Միշայի խանութը»: 

Մեքենան կանգնեցրել են այդ խանութի մոտ: Շահենը իջել ու մտել է խանութ: Վիգենը սպասել է մեքենայում:

Խանութում աշխատում էր տիրոջ՝ Միշա Հովսեփյանի որդին՝ Արմանը: 

Ըստ դատական ակտի՝ Շահեն Չանդոյանը կոպիտ ու արհամարհական տոնով հարցրել է, թե որտեղ է Միշան, քանի որ ինքը «նիսյայով» է ապրանք վերցնելու: 

Արմանը պատասխանել է, թե հայրը տանը չէ, իսկ ինքը հաճախորդին չի ճանաչում, դրա համար էլ պարտքով ապրանք չի վաճառի: 

Շահենը ներկայացել է, թե ինքը ում տղան է, մինչև անգամ՝ որ Թոռսոյենց Միշոյի ընկերն է, և որ խանութի տեր Միշան իրեն ճանաչում է, նախկինում նրանից պարտքով ապրանք վերցրել ու գումարը պարտաճանաչ վճարել է: 

Շահենն առաջարկել է, որ Արմանը զանգի հորն ու ճշտի, թե ով է Շահեն Չանդոյանը, Միշան հաստատ չի մերժի:

Արմանը զանգահարել է, սակայն հայրը չի պատասխանել: Արմանը, այնուամենայնիվ, Շահենին հարցրել է, թե ինչ է ուզում ու տվել է երկու տուփ «Դավիդով» ծխախոտ: Ապա ցանկացել է բացել պարտքացուցակը և գրանցել Շահենի անունը: 

Սակայն Շահենն անսպասելիորեն քաշել է նրա հագուստից, չի թողել, որ Արմանը գրի: Երևի Շահենի համար սազական չէր, որ իր անունը հայտնվեր պարտքացուցակում:

Շահենն ու Արմանը սկսել են խոսել բարձր ձայնով: Նրանց ձայները լսել ու խանութ է մտել Վիգենը: Նա գոռալով հարցրել է Արմանին, թե ինչ է եղել: 

Արմանը բացատրել է, որ Շահենը պարտքով ապրանք է ուզել, ինքը տվել է, բայց նա չի թողնում, որ անունը գրի պարտքացուցակում, քաշքշում է իր շորերից: 

Վիգենը գոռալով ասել է, թե Շահենը լավ է անում, նա ինչ պահանջի, Արմանը պիտի տա, անգամ՝ եթե հ..... ուզի: 

Վիճաբանությունը թեժացել է: Վիգենն ու Շահենը քաշքշել են Արմանին: 

Այդ պահին խանութ է մտել թաղամասի պատանի բնակիչ Մուշեղը: Արմանը պահանջել է, որ նա դուրս գա խանութից՝ հուսալով, որ տղան օգնություն կկանչի: 

Երբ Մուշեղը դուրս է եկել, Արմանը Վիգենին ու Շահենին զգաստացնելու համար ասել է, թե տղան ոստիկանների հետ կապված է, նրանց տեղյակ կպահի, այնպես որ ավելի լավ է հետաձգեն իրենց խոսակցությունը, հետո կհանդիպեն ու կպարզաբանեն: 

Սակայն Վիգեն Սահակյանը հայհոյել է Արմանին, հրել է խանութի սառնարանի մոտ, ձեռքերով, ոտքերով, «Պեպսիի» շշով հարվածներ է հասցրել նրան: 

Շահենը սկզբում փորձել է հաշտեցնել, բայց լսելով, որ ծեծվող Արմանը հայհոյում է մորաքրոջ որդուն, ինքն էլ է սկսել նրան հարվածեր հասցնել:

Խանութից դուրս եկած Մուշեղը այդ պահին կանգնեցրել է մոտակայքով անցնող Վարդանին, ասել, թե խանութի աշխատողին ծեծում են, պետք է նրան օգնել: 

Վարդանը մտել է խանութ, փորձել է կանխել Արմանի ծեծը, բայց հաղթանդամ Վիգենն ու Շահենը նրան չեն լսել: Վարդանը մինչև անգամ վկայակոչել է իր ճերմակ մազերը, հորդորել է հանգստանալ, բայց ապարդյուն: Վարդանը, վախենալով, դուրս է եկել խանութից: Մուշեղին պատվիրել է, որ նա կանչի Արմանի հորը՝ Միշային:

Մուշեղը վազել է Հովսեփյանների տուն: Միշան տանը չէր, այդ գիշեր նա քարհանքում պահակության հերթափոխի էր: Արմանի մայրը անհանգստացած շտապել է խանութ: Ներս մտնելով՝ տեսել է, որ իր տղային ծեծում ու հայհոյում են: Գոռացել է, լաց եղել, խնդրել է դադարեցնել: Վիգենը դուրս է եկել խանութից, բայց Շահենը չի հանդարտվել ու շարունակել է հայհոյել և հարվածել:

Արմանի մայրը փորձել է ձեռքերով հետ քաշել Շահենին, չի կարողացել: Դուրս է եկել, որ օգնություն կանչի:

Մոր նկատմամբ դրսևորված վերաբերմունքի, հայհոյանքի պատճառով, այլևս ելք չգտնելով ստեղծված իրավիճակից՝ Արմանը, ըստ դատական ակտի՝ ոտքի է կանգնել, գնացել ցուցափեղկի մոտ, վերցրել այնտեղ դրված դանակը, վազել դեպի խանութի դուռը, որ դուրս գա: 

Շահենը բռնել է նրան: Ըստ դատավճռի՝ «Արման Հովսեփյանը Շահեն Չանդոյանի հանցավոր ոտնձգությունից իր կյանքն ու առողջությունը պաշտպանելով, դանակով հարվածել է Շահենի որովայնին, պատճառել կյանքին վտանգ սպառնացող ծանր վնաս: Վիգեն Սահակյանի և Շահեն Չանդոյանի կողմից անհարկի գործադրած բռնության, ծանր վիրավորանքի, դրսևորած հակաիրավական և հակաբարոյական գործողությունների կապակցությամբ, անսպասելիության իրավիճակի հետ կապված շփոթվածության, հոգեկան լարվածության կուտակման, սթրեսի և առաջ եկած երկարատև հոգեճնշող իրավիճակի հետևանքով Արման Հովսեփյանը գտնվել է այնպիսի իրավիճակում, որն էապես ազդել է նրա գիտակցության ու վարքի վրա՝ առաջացնելով հանկարծակի ծագած հոգեկան խիստ հուզմունքի իրավիճակ»: 

Արմանը վազելով դուրս է եկել խանութից, մոտեցել Վիգեն Սահակյանին, ձեռքի դանակով 5 մահացու հարված է հասցրել նրա մարմնի տարբեր մասերին ու զրկել կյանքից:

Դեպքից հետո Արմանը գնացել է կնոջ հայրական տուն, պատմել, թե ինչ է արել: Ոստիկանություն են զանգել, և ժամանած ոստիկաններն Արմանին տարել են ոստիկանության Գավառի բաժին:

Վիրավորներին տեղափոխել են հիվանդանոց: Դեպքից երկու ամիս առաջ նշանված Վիգեն Սահակյանի կյանքը փրկել չի հաջողվել:

Կատարած արարքի համար Արման Հովսեփյանին մեղադրանք է առաջադրվել ՀՀ քրեական օրենսգրքի 105 հոդվածի 1-ին մասով, իսկ Շահեն Չանդոյանին՝ քրեական օրենսգրքի 113 հոդվածի 2-րդ մասի 3-րդ և 6-րդ կետերով: 

Ընդհանուր իրավասության դատարանը 30-ամյա Արման Հովսեփյանին դատապարտել է վերջին հաշվով 3 տարի ազատազրկման և 500 հազար դրամ տուգանքի, իսկ 28-ամյա Շահեն Չանդոյանին՝ 2 տարի ազատազրկման:

Դատավճռի դեմ վերաքննիչ բողոքներ են բերել պաշտպանական ու մեղադրանքի կողմերը: Առաջինները պատժի մեղմացում են ակնկալում, իսկ մեղադրողը՝ պատիժների խստացում՝ երկու ամբաստանյալին էլ՝ 4-ական տարի ազատազրկում:


Լուսանկարում պատկերված անձինք նյութի հետ առնչություն չունեն
1in.am
Просмотров: 683 | Добавил: Stepan | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2026