Հետաքրքիր Փաստեր Երեքշաբթի, 23.12.2025, 20:27
Главная
Регистрация
Вход
Приветствую Вас Гость | RSS
Меню сайта

Հետաքրքիր Փաստեր

Կանանց զրույցները ջրվեժից էլ աղմկոտ են

[Անիմացիա]
Սեղմիր Класс

[Անիմացիա]
Սեղմիր Класс

Ուրալում ռուսներն ու ուզբեկները հայերի «կոտորած» էին ծրագրել

Որոնք են տղամարդկանց մոտ ամենատարածված սեքսուալ մոլորությունները

Հայաստանում դեմ են փոլ-դանսը` օլիմպիական մարզաձեւ դարձնելուն. Այլասերվածությունը բերում են պրոպագանդելո՞ւ

Կուդրյավցեւան խոսել է Ռուդկովսկայայի հղիության մասին

Բժիշկները փրկել են 270 գրամ քաշով նորածնի կյանքը /ֆոտո/

Ամենաանսովոր օրենքները սեքսի մասին

Լեդի Գագան ՄԵՐԿԱՑԵԼ է իր նոր օծանելիքի համար

Տղամարդկանց կրիտիկական օրերը. ինչ պետք է իմանալ

[Անիմացիա]
Սեղմիր Класс

Ֆրանսիացին հեծանվով 5000 կմ կկտրի` հանուն Հայաստանում դպրոցի վերանորոգման

Բրիտանուհին 99 մլն-ով ավելի շատ գույն է տեսնում, քան սովորական մարդիկ

Գիտնականները կարող են արհեստական լյարդ ստեղծել

Սթրեսն աշխատանքի ընթացքում մահացու ազդեցություն ունի կանանց վրա

Բժիշկների սխալի պատճառով աղջկան վիրահատել են 70 անգամ (ֆոտո)

Հայաստանում կանցկացվի տոլմայի փառատոն. Տոլման ամբողջությամբ եւ միմիայն հայկական կերակրատեսակ է

Ամենասեքսուալ դերասանուհիները հասուն տարիքում (ֆոտո)

Поиск
Главная » 2013 » Ноябрь » 26 » Հաճախակի գլխացավերի ժամանակ պետք չէ զբաղվել ինքնաբուժությամբ - խորհուրդ է տալիս բժիշկը
13:27
Հաճախակի գլխացավերի ժամանակ պետք չէ զբաղվել ինքնաբուժությամբ - խորհուրդ է տալիս բժիշկը
Գլխացավի առաջացման պատճառները շատ բազմազան են, եւ այն այսօրվա դրությամբ ամենահաճախ հանդիպող ոչ սպեցիֆիկ ախտանշաններից մեկն է, այն լինում է տարբեր ախտաբանական վիճակների եւ հիվանդությունների ժամանակ: Միգրենը՝ գլխացավի տարատեսակ է: Դրա մասին NEWS.am Medicine-ին պատմեց բժիշկ-նյարդավիրաբույժ, բժշկական գիտությունների թեկնածու Կարեն Նահապետյանը:

Ինչ վերաբերում է գլխացավերի տեսակներին, բժիշկը նշեց երկուսը՝ առաջնային եւ երկրորդային (ախտանշանային) գլխացավեր:  Օրինակ ախտանշանային գլխացավերը կարող են հանդիպել ինֆեկցիոն հիվանդությունների, անոթների հիվանդությունների եւ այլնի ժամանակ: Առաջնային գլխացավերը ՝ կլաստերային, միգրենը, լարվածության գլխացավերը, առաջանում են որպես արտաքին գրգռիչներին ի պատասխան առաջացած ախտանշան եւ կապված չեն օրգանիզմում այլ հիվանդությունների առկայության հետ:

«Դասական եւ տարածված (լարվածության) գլխացավերի , միգրենի տարբերությունը նրանում է, որ վերջինիս ժամանակ գլխացավերը սովորաբար տեւում են 3 ժամից մինչեւ 3օր: Միգրենի ժամանակ ցավում է գլխի կոնկրետ հատված կամ դրա մի մասը, իսկ լարվածության գլխացավերի ժամանակ գլուխը ամբողջությամբ է ցավում, եւ առաջանում է տհաճ «սեղմող» զգացողություն: Չնայած, այս երկու գլխացավերը նման են միմյանց եւ հնարավոր է շփոթել վերջիններս միմյանց հետ»,- նշեց բժիշկ Նահապետյանը, ավելացնելով, որ միգրենը ուղեկցվում է սրտխառնոցով, փսխումով, փաստացի մարդիկ սկսում են վախենալ ցերեկային եւ արհեստական լույսից, նրանց նաեւ տհաճ է ցանկացած ձայն եւ խոսակցություն: Հիվանդը կարող է թաքնվել մութ սենյակում, ինչպես նաեւ  փակել աչքերը: Նրանք, ում մոտ սկսվում է միգրենը, պինդ կապում են գլուխը ՝ տհաճ զգացողություններից խուսափելու համար:Միգրենը սովորաբար դրսեւորվում է առավոտյան ժամերին, իսկ լարվածության գլխացավերը՝ օրվա երկրորդ կեսին:

Բժիշկը նշեց, որ պրակտիկայում եղել են դեպքեր , երբ հաջողվել է բուժել միգրենը:Ամեն դեպքում իր մոտ հաճախակի գլխացավեր հայտանաբերած մարդը պետք է  բժշկի դիմի՝ թերապեւտի կամ նյարդաբանի՝ մասնագիտացված  օգնություն ստանալու համար:

Ցավազրկողներ օգտագործելուց առաջ պետք է հետազոտվել եւ պարզել ընդհանուր առողջական վիճակը, քանի որ հիվանդի մոտ կարող են նաեւ այլ հիվանդություններ լինել: Օրինակ, եթե հիվանդը ստամոքսի խոցային հիվանդություն ունի, ապա ցանկացած ցավազրկող դեղամիջոց կարող է լուրջ վնաս հասցնել նրա առողջությանը: Որոշ դեղորայքներ չեն վնասի, բայց նաեւ լավանալ դրանց միջոցով չի հաջողվի, քանի որ բուժական ազդեցությունը բացակայում է:

Վտանգավոր են այն գլխացավերը, որոնք սկսում են առավոտյան ժամերից, ուղեկցվում են փսխումով, ուժեղանում են գլխի դիրքի փոփոխության, դրա խոնարհման ժամանակ, ուղեկցվում են վերջույթների շարժունության սահմանափակումով , գիտակցության մթագնումով եւ ոչ միայն: Այդ պատճառով, եթե հայտնաբերվում է բարձրացած ներգանգային ճնշում, ապա պետք է տվյալ իրավիճակում շատ զգույշ լինել: Այ դեպքում պետք է որքան հնարավոր է շուտ դիմել բժշկական օգնություն ստանալու համար : Պետք չէ ինքնաբուժությամբ զբաղվել կամ վստահել ոչ ավանդական եւ ոչ ճիշտ բժշկությանը:

Միգրենը հաճախ հանդիպում է կանանց մոտ, եւ դա կապված է հորմոնալ տեղաշարժերի հետ, իսկ լարվածության գլխացավերը հանդիպում են տղամարդկանց մոտ: Կրկնակի գլխացավերի  դեպքում առանց   բժշկական օգնության եւ լիարժեք բուժման հնարավոր չէ:

Միգրենը սովորաբար ժառանգաբար է փոխանցվում, ավելի հաճախ մայրական գծով, բայց միշտ չէ, որ կինը կարող է փոխանցել այս հիվանդությունը երեխային:

Հիվանդը սովորաբար դիմում է նյարդավիրաբույժի այն ժամանակ, երբ նախկին բուժումը նրան չի օգնել: «Իմ մոտ հիվանդը գալիս է այն ժամանակ, երբ ամբոջությամբ հետազոտված է եւ նրա մոտ հայտնաբերվել է նյարդավիրաբուժական հիվանդություն»,- նշեց բժիշկը:

Հիշելով հետաքրքիր դեպքեր բժշկական փորձից՝ բժիշկ Նահապետյանը նշեց, որ հիվանդներից մեկին ախտորոշվել է ուղեղի չարորակ նորագոյացություն, բայց  վիրահատության օրը բժիշկները բացահայտեցին, որ դա ընդհամենը աբսցես է (թարախային բորբոքում): «Սա չի կարող չուրախացնել հիվանդներին եւ բժիշկներին»,- ասաց բժիշկ Նահապետյանը:

«Քաղցկեղի ճառագայթումը գամմա- ճառագայթներով, պրոտոններով, էլեկտրոններով եւ ֆոտոններով թույլ է տալիս պայքարել այս հիվանդության դեմ, բայց Հայաստանում դեռեւս չկան համապատասխան սարքավորումներ: Իհարկե մենք կցանկանայինք ինչքան հնարավոր է շուտ ձեռք բերել դրանք, որպեսզի մեր քաղաքացիները չծախսեին ահռելի ֆինանսներ՝ այլ երկներ մեկնելու համար: Ամենայն հավանականությամբ՝  Հայաստանի Առողջապահության նախարարությունը մոտ ապագայում կզբաղվի մեծ ուռուցքաբանական կենտրոնի ստեղծմամբ»,- նշեց Կարեն Նահապետյանը:

Просмотров: 1665 | Добавил: Admin | Рейтинг: 5.0/1
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Նկարներ
Copyright MyCorp © 2025