Այսօր` հուլիսի 20-ին, արտակարգ դեպք է տեղի ունեցել Երևանում: Ժամը 21:00-ի սահմաններում էրեբունի բժշկական կենտրոնից ոստիկանության էրեբունու բաժին հայտնել են, որ ծայրահեղ ծանր վիճակում իրենց մոտ է տեղափոխվել մի քաղաքացի:

Ինչպես Tert.am-ին հայտնում է ֆոտոլրագրող Գ. Շամշյանը, հիվանդանոց է մեկնել Ոստիկանության էրեբունու բաժնի օպերատիվ-քննչական խումբը, էրեբունու ոստիկանապետի օպերատիվ գծով տեղակալ Արսեն Ավոյանի գլխավորությամբ:

Գ. Շամշյանը հայտնում է, որ օպերատիվ-քննչական խումբը պարզել է, որ հիվանդանոց տեղափոխված անձը 49-ամյա Պարույր Ենոքյանն է, ում հիվանդանոց են տեղափոխել Ավանեսովի 24 շենքի 3-րդ բնակարանից:

Ֆոտոլրագրողը հայտնում է, որ Պ.Ենոքյանը բնակվում է միայնակ, չնայած կին և երեխաներ ունի:

Նա զանգահարում է աղջկան և տուն կանչում և մինչ աղջիկը կգար տուն na ածելիով կտրում է իր կոկորդը: Աղջիկը գալով տուն հայտնաբերում է հորը արնաքամ վիճակում և շտապ տեղափոխում Էրեբունի բժշկական կենտրոն: Այս պահին նա գտնվում է վերակենդանացման բաժանմունքում` ծայրահեղ ծանր վիճակում:

Հիվանդանոցում ֆոտոլրագրողին հայտնել են որ Պ. Ենոքյանը հակումներ է ունեցել խմիչքի նկատմամբ, ինչն էլ պատճառ է դարձել, որ ընտանիքի անդամները լքեն նրան:

Փաստի առթիվ Ոստիկանության Քննչական գլխավոր վարչության Երևանի քննչական վարչության Էրեբունու քննչական բաժնում նյութեր են նախապատրաստվում: