Ինչպես հաղորդում է ՀՀ ԱԻՆ մամլո ծառայությունը, հունիսի 26-ին ժամը 10։36-ին տեղեկություն է ստացել, որ Երևանի Այվազովսկի փողոցի թիվ 68 տանը հայտնաբերել են երկու քաղաքացու կախված դի. Անհրաժեշտ է փրկարարների օգնությունը։

Դեպքի վայր է մեկնել հատուկ փրկարարների ջոկատը։

Լուրեր.com-ի լրագրողի հետ զրույցում ոստիկանության հասարակության հետ լրատվության վարչության աշխատակից Արմեն Մալխասյանը հաստատեց ինքնասպանության դեպքը։

Սեփական տան 3-րդ հարկի կիսակառույց շինության մեջ ամրանից մետաղյա ճոպանով կախվելու միջոցով ինքնասպան են եղել 62-ամյա Պետրոս Գալուստովը և նրա որդին՝ 30-ամյա Արթուր Գալուստյանը: Քննչական մարմինը հոր որովայնի մոտ հայտնաբերել է նամակ, որն առգրավվել է: Կախվելու վայրից կես մետր այն կողմ դրված էր եղել երկու խաչ, որի մոտ տեղադրված էր մանուկ Հիսուսի նկարը, որում սուրբ Մարիամ Աստվածածինը ու Հովսեփը բարուրում են նրան:

Դեպքի վայր են ժամանել ՀՀ ԱԻՆ փրկարարական ջոկատի աշխատակիցները, որպեսզի հատուկ տեխնիկայի միջոցով կտրեն երկաթյա ճոպանները, ինչից հետո 1-03 բրիգադը դիակները տեղափոխելու է դիահերձարան:

lurer.com