Գերմանական գիտնականների վերջին ուսումնասիրության համաձայն, կանայք ավելի մեծ հաճույքով են համաձայնում ինքնասիրահարված տղամարդկանց հետ ժամադրության:

Ըստ Meddaily-ի, գիտափորձին մասնակցել է 61 տղամարդ: Նրանցից յուրաքանչյուրին առաջարկել են ծանոթանալ 25 կնոջ հետ: Ընդ որում, տղամարդկանց ինքնասիրահարվածության աստիճանը տարբերվել է (բնավորության գծերը, այլ ոչ թե հոգեկան խանգարումները): Պարզվել է, որ ինքնասիրահարվածության բարձր ցուցանիշ ունեցող տղամարդկանց համար ավելի դյուրին է եղել կանանց հետ ծանոթանալը:

Գիտնականները կարծում են, որ ինքնասիրահարված տղամարդիկ առանձնանում են առավել մեծ գրավչությամբ: Սակայն նման տղամարդը կնոջ համար գրավիչ է կարճաժամկետ հեռանկարում: Նրանք չեն կարողանում ամուր հարաբերություններ ձեւավորել հակառակ սեռի ներկայացուցիչների հետ:

NEWS.am STYLE