Կախված եք սոցցանցերի՞ց։ Իսկ ի՞նչ են նրանք անում մարդու հետ։ Ահա մի քանի փաստ, որոնց մասին համարյա ոչ ոք չի մտածում։

1. Սոցցանցերը ստիպում են խանդել

Նույնիսկ, եթե առանձնապես առիթ էլ չկա։ Հարցումների արդյունքով մարդկանց մեծ մասն իրենց զուգընկերոջը հետեւում է սոցցանցերում։ Առավել եւս, որ դա այնքան հեշտ ու հարմար է։ Մի քանի հպում եւ սոցցանցը կմատնի հավանական մրցակիցների մի ամբողջ ցանկ. բոլորը նրանք, ում հավանել եք, ընկերներին եւ հավանական ընկերներին։ Կարելի է շատ հետաքրքիր հետաքննություն անցկացնել։ Հետաքրքիր է, որ Facebook-ն ԱՄՆ-ում հինգ բաժանումից մեկի, իսկ Մեծ Բրիտանիայում՝ երեքից մեկի պատճառ է դարձել։

2. Սոցցանցերն օգնում են աշխատանքում

Գործատուների մեծ մասն արգելափակում է աշխատանքային համակարգիչներից սոցցանցերի մուտքը՝ աշխատակիցներին շեղվելու հնարավորություն չտալու համար, սակայն հոգեբանները խորհուրդ են տալիս չանել դա։ Աշխատանքի վայրում Ֆեյսբուք կամ Թվիթեր օգտագործող մարդիկ մյուսներից 9%-ով ավելի արդյունավետ են աշխատում։ Սոցցանցում կարճատեւ շփումներն ուղեղին ցրվելու եւ հանգստանալու հնարավորություն են տալիս։ Բայց միայն կարճերը։

3. Սոցցանցերը կարող են դժբախտացնել…

Մարդկանց մեծ մասն օգտվում է սոցցանցից՝ իր կյանքի դրական կողմերի մասին պատմելու համար։ Օրինակ, հանգստի վայրից լուսանկար տեղադրելու, գնումներով պարծենալու, զվարճալի տեսահոլովակ տեղադրելու եւ ալն։ Սակայն, եթե ձեր գործերը սկսել են ծուռ գնալ, սոցցանցն ընկերոջից թշնամու է վերածվում։

4. …կարող են եւ երջանկացնել

Կարող եք պարծենալ։ Նոր սանրվածքով, նոր մեքենայով, նոր ընկերոջով կամ ընկերուհիով։ Կարող եք պատմել ձեր անձնական հաղթանակների ու ձեռքբերումների մասին եւ հավանություն ստանալ։ Վերջապես, կարող եք ծիծաղել՝ ձեր պատին տեղադրելով զվարճալի կոմիքսն ու լավ տրամադրություն ստեղծել։ Այս ամենը բարձրացնում է ձեր ինքնագնահատականն ու կյանքում ավելացնում դրականը։

5. Չեք կարող չստուգել ձեր էջը

Իսկ եթե հաղորդագրություն կա՞։ Կամ հետաքրքիր գրություն՝ պատին, որը պետք է շատ շտապ հավանել։ Կամ ընկերը նոր նկար է տեղադրել։ Իրականում այդպես չեք մտածում։ Պարզապես ստուգում եք էջը, քանի որ չեք կարող այն չստուգել։

6. Կորցնում եք ընկերներին