Մաքս Պլանկի անվան Էվոլյուցիոն կենսաբանության ինստիտուտում արված հետազոտություններն ապացուցել են, որ մարդկանց իմունային համակարգերը կարող են անհամատեղելի լինել, հաղորդում է «Վեստի.ռու»-։ Դա վտանգավոր է, քանի որ նման անհամատեղելիությամբ զույգերի մոտ կարող են իմունային համակարգի տարբեր արատներով երեխաներ ծնվել։

Իմունաբանները հսկայական աշխատանք են կատարել՝ օգտագործելով բազմաթիվ գիտական մեթոդներ, սկսած հոգբանական թեսթերից մինչեւ մագնիտա-ռեզոնանսային տոմոգրաֆիա։ Այդ հետազոտությունները հնարավորություն են տվել պարզելու, որ զուգընկեր ընտրելու հարցում իմունային համարկարգի գլխավոր զենքը մարդու մարմնի հոտն է։

Կենսաբանները ստեղծել են «օծանելիքի» մի քանի տեսակ, որի քիմիական կազմում ներառված են եղել կնոջ մարմնի բնական բույրի բաղադրիչներ։ Գիտափորձի մասնակից կանայք, ում մոտ խախտված է եղել հոտի ընկալումը, միշտ ընտրել են այն օծանելիքը, որն իրենց սեփական գենոմի տարր է պարունակել։

Գիտնականներն արդեն մտածում են, որ նման նյութերը կարող են մտնել պարֆյումերիայի նորագույն միջոցների բաղադրության մեջ, եւ որոնք համարձակորեն կարելի է անվանել «սիրային բուժահեղուկ»։ Իսկ գիտնականների մտքերից մինչեւ իրականություն հաճախ ընդամենը մեկ քայլ է…

NEWS.am STYLE