Մամոլոգները խորհուրդ են տալիս կրծքի ուռուցքից խուսափելու համար ուշադրութուն դարձնել կրծքի ցանկացած դիսկոմֆորտի, ցավի, կրծքից հոսող արտադրության վրա: Մշտապես պետք է զբաղվել ինքնահետազոտմամբ, իհարկե, դա չի փոխարինի գինեկոլոգի և մամոլոգի զննմանը:

Եթե ուռուցքը ձեռքով հնարավոր լինի շոշափել, դա նշանակում է, որ այն արդեն մի քանի տարի զարգացել է: Իսկ Մամոգրաֆիայի ժամանակ այն հնարավոր է գտնել նոր ձևավորման փուլում: Այդ ստուգումը 2 տարին մեկ անգամ պետք է անցնեն 40 տարեկանն անց բոլոր կանայք: Ավելի փոքր տարիքի կանանց համար ուռուցքի ստուգման համար բավական է նաև ուլտրաձայնային հետազոտությունը, իսկ մամոգրաֆիան պետք է անցնել ախտորոշումը ճշտելու համար: Եթե բողոքներ չկա, պետք է տարին մեկ անգամ գնալ ուլտրաձայնային հետազոտութության:

Առավել ռիսկային խմբում են գտնվում այն աղջիկները, որոնց մոտ շուտ է սկսվել դաշտանը: Կրծքի քաղցկեղի հավանականությունը առավել մեծ է այն կանանց մոտ, ովքեր աբորտներ են արել, կամ ովքեր կարող էին, բաց երեխային չեն կերակրել կաթով:

Պետք չէ նաև ինքնագլուխ' առանց բժիշկի հետ խորհրդակցելու, օգտագործել հակաբեղմնավորիչ դեղահաբեր. դա կարող է հանգեցնել կրծքի հետ կապված խնդիրների: Նախ պետք է գնալ բժիշկի մոտ և անալիզներ հանձնել:

Նրանց մոտ, ովքեր զբաղվում են սպորտով, չեն տառապում ավելորդ քաշից, ուռուծք հազվադեպ է լինում:

Լիլիթ Պետրոսյան

Աղբյուր` LADYNEWS.am