«32 ատամ» հումորիստական ակումբի երկրպագուները շվարած են. ինչո՞ւ են նախագիծը լքել շոումեն Անդրանիկ Հարությունյանն ու Ռաֆայել Երանոսյանը։ Նրանց մասնակցությամբ համարներն ամենահաջողներից էին…

«Մենք պարզապես շատ ենք հոգնել, եւ ուզում էինք, որ մեզնից հանգստանա նաեւ հանդիսատեսը», - NEWS.am STYLE-ի թղթակցին հաղորդեց Անդրանկ Հարությունյանը։ Հարցին, թե ո՞րն է այն մտքի պատճառը, թե հանդիսատեսը հոգնել է ծրագրում նրանց մասնակցությունից, շոումենը պարզաբանեց. «Պարզապես մտածեցինք, որ պետք է որոշ ժամանակով անհայտանալ՝ նոր ուժերով ու նոր նախագծերով վերադառնալու համար։ Այնպես որ, սպասեք»։

Ի՞նչ նորություն սպասել Հարությունյանից ու Երանոսյանից։ «Առայժմ չենք բարձրաձայնի։ Նշեմ միայն, որ կշարունակենք նկարահանվել «Կարգին սերիալում»։ Մնացածը կտեսնեք», - ընդհանրացրեց Անդրանիկը՝ ավելացնելով. «Մենք ազգի համար դեռ շատ բան ունենք անելու։ Համբուրում ենք բոլորին»։