Առանց ինչի՞ մենք չենք կարող պատկերացնել մեր կյանքը հարցին պատասխանելիս, կարելի է թվարկել բազմաթիվ իրեր, որոնցում պարտադիր տեղ կգտնի նաև բջջային հեռախոսը: Այն մեր ընկերն է և օգնականը: Պարզապես, ոմանք կասկածում են․ արդյո՞ք տեղեկատվությունը պաշտպանված կողմնակի ականջներից, որոնք կարող են իրենց թույլ տալ ներխուժել մասնավոր կյանք: Մասնագետների հավաստմամբ, ուրիշի խոսակցությունը լսելն այնքան էլ դժվար չէ: Երբեմն դրանից օգտվում են խանդոտ ամուսինները, կազմակերպությունների հետաքրքրասեր ղեկավարները կամ պարզապես «հեռախոսախուլիգանները»:Եթե այս հարցը ձեզ անհանգստացնում է, ապա օգտվեք այն խորհուրդներից, որոնք կօգնեն ազատվել «աներես ականջներից»:
Ձեր խոսակցության լսելու մասին կարող եք գուշակել մարտկոցներից: Եթե չեք օգտվում հեռախոսից, իսկ այն գոլ է կամ նույնիսկ տաք, նշանակում է հեռախոսից օգտվում են: Հեռախոսը «գոլանում» է, եթե այն շատ է օգտագործվում: Հեռախոսի մարտկոցը տաքանում է, եթե հեռախոսից օգտվել են քիչ առաջ:
Կասկածելի աշխուժություն
Ուշադրություն դարձրեք, թե ինչպես է իրեն «պահում» հեռախոսը: Արդյոք պատահում է, որ էկրանի լույսը ինքնին միանում է, ինքնուրույն տեղադրվում են տարբեր ծրագրեր, հեռախոսը հանկարծակի անջատվում է: Հնարավոր է, որ ձեր հեռախոսը ինչ-որ մեկը կառավարում է:
Չնայած այսպես կարող է պատահել նաև տվյալների փոխանցման ժամանակ, եթե առաջանում են խոչընդոտներ:
Արագ լիցքաթափում
Անհանգստության պատճառ է հեռախոսի ավելի հաճախ լիցքավորման «պահանջը»: Գուցե՞ այն օգտագործվում է մեկ ուրիշի կողմից: Չէ որ բջջային հեռախոսի միջոցով հրարավոր է լսել «բնակարանային» խոսակցությունները: Հասկանալի է, որ այդ դեպքում մարտկոցը շատ ավելի արագ կլիցքաթափվի:
Պարզապես հաշվի առեք, որ ժամանակի հետ լիցքավորման մակարդակը իջնում է: Եթե հեռախոսը ծառայում է մեկ տարուց ավել, ապա մարտկոցի աշխատունակությունը զգալի պակասում է:
Ուշ անջատում
Ձեզ զարմացրել է հեռախոսի տարօրինակ «պահելաձևը»՝ հեռախոսն անջատելուց, էկրանը երկար ժամանակ մնում է լուսավորված և հեռախոսը չի ցանկանում անջատվել: Հնարավոր է, որ դուք հսկողության տակ եք:
Սակայն, շատ հնարավոր է, որ դա պարզապես ծրագրային կամ տեխնիկական հարց է:
Խափանումներ
Եթե հեռախոսով խոսելիս մոտենում եք որևէ էլեկտրոնային սարքավորման և առաջանում են խափանումներ, հնարավոր է բջջայինի մեջ տեղադրված է կողմնակի սարք:
Զարկերակային (ֆոն) աղմուկ
Հեռախոսով խոսելիս ուշադիր հետևեք, արդյոք չե՞ք լսում «հեռախոսային» արձագանք: Հնարավոր է,որ դա միացման հետ կապված խափանումներ են: Սակայն հավանականություն կա, որ ձեզ լսում են: Եթե բջջայինը անջատած է, իսկ զարկերակային աղմուկը շարունակում է լսվել, կարող եք հետևություններ անել:
Հրահրեք լրտեսին
Եթե ցանկանում եք համոզվել ձեր կասկածների մեջ, հեռախոսով մի քիչ գախտնաբանեք վստահելի մարդու հետ: Եթե ձեր խոսակցության բովանդակությունը հայտնի դառնա երրորդ անձնաավորությանը, ուրեմն ձեր կասկածներն արդարացի են:
Դիմեք օգնության
Եթե համոզված եք, որ ձեր հեռախոսը լսում են, դիմեք իրավապահ մարմիններին:
Առաջնահերթը անվտանգությունն է
Ապահով զգալու համար կարելի է հեռախոսը «փակել» նշանաբառով և երբեք աչքաթող չանել այն: Եթե հեռախոսը չի օգտագործվում, կարելի է հանել մարտկոցը. դա երաշխիք է, որ կողմնակի ականջները ձեզ չեն լսի: Հասմիկ Հարությունյան Ֆեյսբուք
|
