Առաջնորդվեք բնազդներով

Երբ ընտրությունն աննշան բաների միջև է, հեշտ է կողմնորոշվելը, իսկ երբ ավելի կարևոր է հարցը, մենք միշտ տատանվում ենք: Լավ կշռադատեք, դրականն ու բացասականը համեմատեք, և եթե չեք գտնում ելքը, պարզապես վստահեք բնազդներին: Ընտրությունը, որ կանեք, կլինի ամենաճիշտ տարբերակը:

Քնեք նախքան խնդիրը լուծելը

Անգիտակից վիճակում ուղեղն ընդունակ է ավելի արագ որոշումներ կայացնելու, ավելի ճիշտ ամեն ինչ կշռադատելու: Քնեք այդ խնդրի մասին մտածելով, իսկ առավոտյան կարթնանաք, և ուղեղը կհայտնի Ձեզ ճիշտ որոշումը:

Խոսեք մտերիմների հետ

Պատմեք ձեր մտածմունքների մասին մտերիմ ընկերներին և հարազատներին, ում անկեղծ կարծիքները կարող են օգնել Ձեզ ճիշտ ճանապարհին կանգնել:

Մի պատմեք բոլորին

Դուք գիտեք, որ Ձեր խնդրի մասին գիտեն մի քանի մտերիմ ընկերներ: Բայց չարժի Ձեր կյանքի մանրամասները և հատկապես խնդիրները քննարկել վարսավիրի, ատամնաբույժի կամ մարզչի հետ: Այն մարդկանց կարծիքը, ովքեր Ձեզ այդքան էլ լավ չեն ճանաչում, կարող է խանգարել ճիշտ ընտրություն կատարել:

«Ոչ» ասեք սթրեսին

Երբ մենք հուսահատված ենք, բարկացած կամ նյարդային, կարող ենք սխալ որոշումներ կայացնել: Չափազանց շատ էմոցիոնալությունը հաստատ լավագույն խորհրդատուն չէ: Փորձեք կենտրոնանալ,  շեղվել թեմայից, հանգստացեք մինչև որոշում կայացնելը:

Հաշվի առեք հետևանքները

Շատ որոշումներ մենք հակված ենք ընդունելու` հենվելով կարճատև առաջընթացի վրա: Մոտ ապագայում նման որոշումները կարող են ամենաբացասական հետևանքները թողնել Ձեզ վրա: Մտքում քննարկեք հնարավոր հետևանքները, որոնք կարող են առաջ գալ Ձեր որոշումից հետո:

Հույս մի դրեք բախտի կամ ճակատագրի վրա

Չարժի որոշումներ կայացնել` հետևելով հորոսկոպին կամ հույսը դնելով բախտի վրա: Աստղերն այսպիսի գործերում օգնականներ չեն: