Մասնագետները գտնում են, որ ննջասենյակի գույնը տնային դեկորի ամենակարևոր մասերից է: Սխալ ընտրված գունային գամման կարող է վնասակար ազդեցություն ունենալ մարդու վրա, դա հատկապես վերաբերում է երեխաներին:

Ամերիկացի պրոֆեսոր Կրիստիան Գելդենհուզը հետազոտություն է անցկացրել` ննջասենյակի գույնի ազդեցությունը մարդու օրգանիզմի վրա ստուգելու համար: Իր բոլոր եզրահանգումները նա գրել է ''Sleep Smart'' գրքում:

Պարզվում է` քնելու համար ննջասենյակի ամենահարմար գույնը ''սառը'' կապույտն է: Փորձերը ցույց են տվել, որ հենց այս գույնի սենյակում են մարդիկ ամենաարագը ննջում:

Մեծահասակների ննջասենյակի համար ամենահարմար գույնը կարմիրի ու կապույտի միախառնումն է:

Կարմիրը նպաստում է ռոմանտիկ միջավայրի ստեղծմանը, իսկ կապույտն` առողջ քնին:

Նրանք, ովքեր խնդիր ունեն արթնանալու հետ, օգտակար է ննջասենյակը ներկել դեղին երանգով. դա կբարձրացնի տրամադրությունը վաղ առավոտյան:

Երեխաների համար միանգամայն արդարացված է ընտրել երկնագույն կամ վարդագույն երանգ (սեռից կախված): Իսկ սովորելու մեջ խնդիրներ ունեցող երեխաների ննջասենյակն օգտակար է ներկել կապտա-կանաչավուն երանգով:

mamul.am