Ավստրալիայի գիտնականները պարզել են, որ իրենց ինտիմ կյանքից գոհ կանայք ավելի հազվադեպ են հիվանդանում։ Դրանից բացի, Monash University – ի մասնագետները պարզել են, որ ակտիվ սեռական կյանք վարող կանայք ավելի քիչ են հիվանդանում, ավելի երկար են ապրում եւ, բացի այդ, ավելի կայուն հոգեվիճակ ունեն, քան նրանք, ովքեր հաջողում են սիրով զբաղվել ամիսը երկու անգամից քիչ։ «Պարզվել է, որ սեռական առումով «անտեսված» կանայք ավելի թույլ առողջություն ունեն, եւ նրանց բարեկեցության մակարդակն ավելի ցածր է»,- պատմում է հետազոտության հեղինակներից մեկը՝ դոկտոր Սոնյա Դեւիսոնը։

Ըստ Zdravoe.com -ի, հետազոտությանն ընդհանուր առմամբ մասնակցել է 20 –ից 65 տարեկան 300 կին։ Մասնակիցների 90%-ը զուգընկեր է ունեցել, իսկ կեսից շատ դեպքում սիրային հարաբերոթյան նախաձեռնող են եղել հենց իրենք։ «Բժիշկներն ավելի շատ ուշադրությոն պետք է դարձնեն կնոջ սեռական առողջությանը. կանանց մեծ մասը չի համարձակվում բժշկին տեղեկացնել իր խնդիրների մասին, իսկ սեռական առողջությունը նրանց ընդհանուր առողջության ու բարեկեցության գրավականն է», – պնդում են գիտնականները։

Հետազոտողները նաեւ նշել են, որ կնոջ սեռական կյանքի ինտենսիվությունը չի կարող նրա սեռական բարեկեցության հուսալի չափորոշիչ լինել։ Ցավոք, նման կանանցից շատերն ամաչում են դիմել մասնագետին։