Իսրայելում արտասովոր դեպք է տեղի ունեցել: Ինչպես տեղեկացնում է RBK-ն, նորապսակները ստիպված են եղել իրենց մեղրամիսը սկսել ոչ թե ծովափում, այլ աղբանոցում՝ փնտրելով հարսանիքի ժամանակ նվեր ստացած կտրոններով ծրարները: 

Հարսանեկան արարողությունից հետո նորաթուխ ամուսնական զույգը ուղևորվել է հյուրանոց: Համարում կինն ու տղամարդը սկսել են առանձնացնել նվերները՝ դրամական կտրոններն ու բացիկները տեղավորելով առանձին փաթեթներում:

Հաջորդ առավոտ զույգը լքել է հյուրանոցը: Մի քանի ժամ անց նրանք հասկացել են, որ շփոթություն է տեղի ունեցել և որ կտրոններով փաթեթը մնացել է համարում: Նրանք վերադարձել են հյուրանոց, սակայն համարն արդեն զբաղված է եղել: 

Վարչակազմի իրականացրած ստուգումների արդյունքում պարզվել է, որ աղբահանող ծառայությունն արդեն տարել է աղբը: Նորապսակները քաղաքային աղբանոցի տնօրենին հայտնել են, որ հյուրերը մեծահոգի են գտնվել իրենց նկատմամբ: Պսակադրությանը ներկա է եղել ընդհանուր առմամբ 450 մարդ: Տնօրենը զույգին օգնելու նպատակով մի քանի աշխատակից է ուղարակել, սակայն նրանց դեռևս չի հաջողվել գտնել ծրարը:

1in.am