Այս սարսափելի պատմությունը, թե ինչպես մայրը իր հոգեկան հիվանդ որդուն արդեն 11 տարի իր տանը պահում է վանդակի մեջ, վերջերս հրապարակեցին Չինաստանի լրատվամիջոցները:

74-ամյա Վանգ Մուքսիանգը վանդակ պատրաստեց այն բանից հետո, երբ իր որդին՝ Վու Յուանհոնգը սպանեց մի դեռահասի իրենց գյուղում, որը գտնվում է Ջիանգխի գավառում: Որդին տառապում է պսիխոզ հիվանդությամբ:

2001թ.-ին Վուն ծեծելով սպանեց իրենց համագյուղացի 13-ամյա տղային: Իրավապահները մեկ տարի անց հիվանդության պատճառով նրան ազատ արձակեցին:

Մայրը՝ Վանգ Մուքսիանգը, վախենալով, որ որդին ազատության մեջ կարող է շատ վտանգավոր լինել մարդկանց համար, փորձեց գտնել մեկին, ով ամուր վանդակ կզոդի իր որդու համար, սակայն գյուղի դարբինը հրաժարվեց այդ անել, քանի-որ կարծում էր, որ հիվանդ մարդը կփախնի եւ վրեժխնդիր կլինի իրենից:

Մայրը ստիպված էր ինքնուրույն պատրաստել այն:

«Ես պատրաստում էի վանդակը եւ միաժամանակ լաց էի լինում: Ճիշտ է, նա խելագար է, բայց նա իմ որդին է: Իմ սիրտը կտոր-կտոր էր լինում, երբ ես մտածում էի, որ վանդակ եմ պատրաստում նրա համար»:-ասում է կինը:

galatv.am