Միթե կարելի է բիզնեսի շահույթն ամենից վեր գնահատել առավել ևս այն դեպքում, որ շատերս քարոզում ենք բարոյականություն, խոսում մեր երեխաների վառ ապագայի, դաստիարակության ու վեհ գաղափարների մասին: Ահա այս դեպքն այն հաճախակի կրկնվողներից է, որ տնօրենը ոչ մի չափանիշ հաշվի չի առնում և սեփական ավտոլվացման կետի հսկա դարպասներին կիսամերկ նկարներ է փակցնում, փակում կենտրոնական փողոցը, այն էլ այն դեպքում, երբ Բաբաջանյան 110 հասցեում գործող մանկական սրճարան օրեկան այցելում են տարբեր տարիքի երեխաներ:
Միթե կարելի է կիսամերկ այս նկարներով ակնկալել մարդկանց հոսքի ներգրավում, իհարկե` ոչ: Հարգելի գործարար, եթե կարելի է այդպես անվանել. Դուք խոստացել եք մեկ շաբաթվա ընթացքում շտկել այդ խնդիրները, բայց փաստորեն անարդյունք: Դուք դարձյալ ձեր անմտությամբ փորձում եք աշխատեցնել ձեր իսկ ավտոլվացման կետը:
Հուսով ենք պատկան մարմինները ուշադրություն կդարձնեն մեր հնչեցրած ահազանգին և հնաևավորինս սեղմ ժամկետում լուծում կտան այս խնդրին: