Սկզբունքորեն, որքան տղամարդ՝ այնքան էլ կարծիք կանացի տրամաբանության, խելքի ու կանացի գրավչության մասին։ Մեկը բացառապես շիկահեր է փնտրում՝ նրա շաղակրատանքին վերաբերվելով ինչպես տնային թռչնակի ճռվողյունի։ Մյուսն անպայման պետք է զրուցի միջնադարյան ճապոնական պոեզիայի մասին, երրորդը միանգամայն անտարբեր է ամեն ինչի հանդեպ, միայն թե կին լինի, իսկ ոմանք էլ, տեսնելով, որ կինը սիմֆոնիկ համերգի տոմս է գնում, կորցնում է հետաքրքրությունը նրա հանդեպ, քանի որ կարծում է, թե այնպիսի կնոջ հետ սեքսը գերմանական փիլիսոփայության դասագրքի հետ էլիտար այլասերվածության նման մի բան է։

Ընդհանրապես, պետք է զուգընկերուհի ընտրել սեփական չափանիշներին համապատասխան, եւ ոչ մի դեպքում օտար ազդեցության տակ ընկնելով։ Եթե տղամարդն առավոտից երեկո ոչխար է պահում, ապա նրան հարմար կլինի հնազանդ գեղջկուհին, քանի որ ժամանակակից քաղաքի կանանցից միայն մշակութային ցնցում կարելի է ստանալ։ Իսկ եթե դոկտորական է պաշտպանել նույն այդ գերմանական փիլիսոփայության գծով, ապա պետք է փնտրել… Թեեւ սկզբում պետք է ստուգվել, արդյո՞ք արժե ընդհանրապես փնտրել։ Ստուգվե՞ց։ Այդ դեպքում թող փնտրի թույլ տեսնող ուսանողուհիների շրջանում կամ էլ ռուսական ավանգարդի ցուցահանդեսին։

Վերը նշված երկու ծայրահեղությունների միջեւ ընկած է ոսկե տղամարդկային միջինը. մարդիկ, ովքեր «կանացի տրամաբանություն» բառակապակցությունը լսելիս չեն սկսում բերանին փրփուր կապած վիճել, պարզապես թեթեւակի թափ տալով ձեռքը՝ փոխում են խոսակցության թեման։ Իսկ կատարելության գագաթնակետն այն տղամարդն է, ով վեճի երկրորդ րոպեին արդեն գիտի՝ իրենից ինչ է պահանջվում, մնում է իր ասածին, սակայն հետո անում է այնպես, ինչպես կինն է ցանկացել։ Սա, իհարկե, հազդադեպ տեսակ է. նման տղամարդիկ, ամենայն հավանականությամբ, ընդունակ են մինչեւ վերջ լսել կանացի մենախոսությունը եւ պատրաստ են, որ իրենց երեսին ծխախոտի ծուխ կփչեն, քանի որ խոսակցությունը սրճարանում պետք է դեմ դիմաց վարել։

Ընդհանրապես, բոլոր կանայք նման են, բացառությամբ երեւի թե անդեկդոտների հերոսուհի շիկահերներից, իրականում, բարեբախտաբար՝ հազվադեպ հանդիպող։ Այդ պատճառով էլ պետք է հաշվի առնել նրանց հատուկ ընդհանուր գծերը։

Օրինակ՝ կան, իհարկե, տիրատենչ կանայք, սակայն, երեւի թե բացառություն են։ Մեծ մասամբ կինը միանգամայն բավարարվում է գորշ կարդինալի դերով։ Նրա համար կարեւոր է, որ ամեն ինչ լինի այնպես, ինչպես ինքն է ճիշտ համարում, իսկ պաշտոնների, կոչումների ու գովասանքների նման անհեթեթ բաները նա հաճույքով կթողնի տղամարդուն։

Ոչ մի դեպքում մի անտեսիր կնոջ երկարատեւ հիշողությունը։ Եթե ամուսնության յոթերորդ տարում երկու անգամ ինտերնետում սիրահետել ես հիսունամյա կնոջը՝ Զիմբաբվեից, ու հետո ողջ կյանքդ կրկին նույն մենակյացն ես եղել, այդ դավաճանությունը կհիշեցնեն քեզ ողջ կյանքդ, ճիշտ է, միայն այն ժամանակ, երբ պետք է, եւ ոչ՝ հենց այնպես։ Սրան պարզապես պետք է դիմանալ, ինչպես ատամ հանելուն։

Կարեւոր է հստակ յուրացնել, որ ի տարբերություն տղամարդու, կնոջ համար սխալների կրկնությունը բնածին հատկություն չէ, այդ պատճաշով էլ աշխատիր չկորցնել վստահությունը։ Սա ամենադժվար իրագործվող պատվիրաններից մեկն է։

Պատահում են, իհարկե, առաջադեմ կանայք, սակայն նրանց սովորաբար բազմաթիվ անգամ պետք է բացատրես, թե նոր բջջային հեռախոսի ո՞ր կոճակը սեղմել՝ զանգին պատասխանելու համար։ Այս կապակցությամբ խորհուրդ կտայի ինքնատիրապետում ձեռք բերել։ Կինն այդպես էլ չի հասկանա, թե ինչո՞ւ՝ հենց այդ կոճակը, փոխարենը մինչ տղամարդը քարտեզ կմաշացնի՝ քայքայլեով նյարդեր, կինն անծանոթ քաղաքում տեղացուց կհարցնի ճանապարհը։ 

Ձեզ շրջապատող մարդկանց մասին կինդ միշտ քեզանից շատ գիտի. քո մտքով իսկ չի անցնի իմանալ, թե ի՞նչ է ուտում հարեւանի շունը նախաճաշին կամ էլ հարցաքննել քրոջդ, թե՞ անցյալ տարի Եգիպտոսում ինքնաթիռից ի՞նչ գույնի զգեստով էր դուրս եկել։

Երբեք մի մտածի, որ կինն ավելի հեշտ է աշխատանք գտնում, քանի որ գործատուն նրանից որոշակի մի բան է սպասում։ Այդպես կպչուն վիճակների էլ կհասենես։ Դու նույնպես, կյանքում գոնե մեկ անգամ փորձիր հարցազրույցի գնալիս համապատասխան հագնվել, եւ ոչ՝ կարծես ֆուտբոլ գնալիս՝ առաջին պատահածը։ Լավ, աշխատիր, չեմ շեղի…

Երբեք կնոջից ներողություն մի սպասիր, նույնիսկ, եթե նա հենց նոր ծնկներիդ տաք սուպ է թափել։ Կխնդրի՝ լավ, բայց մի պնդիր, քանի որ դա սեփական սխալն ընդունել է նշանակում, կամ, որն ավելի վատ է, պարտություն, իսկ դա կնոջ համար, որպես կանոն, անպատկերացնելի է։ Ի վերջո, ո՞վ էր քեզ խնդրում սեղանին մոտենալ, քանի դեռ սուպը չեն մատուցել։

Հասկացիր, վերջապես. կնոջը սեքս ավելի քիչ է անհրաժեշտ, քան քեզ. ֆիզիոլոգիական օրենք է։ Կինդ մոռանում է տրիկոյի վրայից գոնե կարճ շրջազգեստ հագնել ոչ թե այն պատճառով, որ աշխատակիցների հետ եսիմինչեր է անում, այլ՝ որ  ցանկանում է ուշադրություն գրավել նույնիսկ լիքը լցված մետրոյում։ Իմ ու քո գլխում է միայն սեքս, իսկ կնոջդ միանգամայն բավարար է, որ փողոցում պատահական հանդիպած Բրեդ Փիթը գեթ մի թեթեւ գնահատող հայացքով իրեն նայի։ Այս հաղթանակից նա կստանա այնքան հաճույք, որքան դու՝ մեկ անգամ հասնելով անհասանելի մի գեղեցկուհու ու այնքան գումար ծախսելով, որ գիշերներն ամաչում ես։

Երբեք կնոջ մասին մի ասա, որ նա մտահոգ տրորեց իր կզակը։ Դա սուտ է։ Կինը երբեք կզակը չի խորում, քանի որ դրանից փչանում է սանրվածքը։ Եվ մեկ էլ, քանի որ այդ շարժումը մատնում է շփոթվածությունը։

Մի զարմացիր, որ նա կրում է «սթրինգ» կոչվող տանջանքի հարմարանքը։ Ինչ-որ անհայտ ֆիզիոլոգիական յուրահատկության շնորհիվ դա նրան անհարմարություն չի պատճառում։ Եվ մի գժվիր, որ նա անընդհատ մակերեւույթների վրայից թափ է տալիս անտեսանելի փոշին, բայց միեւնույն ժամանակ պաշտում է չորացած ծաղիկներից պատրաստված փնջերը։

Միանգամայն արդարացիորեն համարում ես, որ մկներն ու սկյուռները պետք է քեզնից վախենան, սակայն նա այդպես չի կարծում։ Ավելին, միանգամայն կարող է վախենալ նույնիսկ շատ գեղեցիկ թրթուռներից ու խխունջներից։

Եթե ձեռքերդ զբաղված են, եւ նրան խնդրում ես բացել գարեջրի շիշը, հաշվի առ, որ նա շիշը բացիչով է բացում։ Ինչպես նաեւ, եթե խնդրում ես նրան փոխանցել կրակայրիչը, բոլորովին էլ պարտադիր չէ տուգանային հավածների ժամանակ դարպասապահի դիրք ընդունես։ Իսկ եթե նրա վարած մեքենայի մեջ ես, ապա վերջ տուր խորհուրդ տալուն ու նյարդայնանալուն, ավելի լավ է փակ աչքերով քշել սովորիր։

Կինը համարում է, որ տղամարդն իր զարգացման մեջ կապիկից շատ է հեռացել։ Մի փորձիր նրան հակառակը համոզել, պարզապես թուլացիր, երբ մազերիդ մեջ մակաբույծ չգտնելով՝ նա պարզապես եզակի սպիտակ մազ գտնելով կպոկի դրանք։

Եթե այս ամենը հիշեցիր, մտածեցիր ու հասկացար, ապա հաջողությունը քեզ է սպասում, չնայած՝ սա ամենանվազագյունն է այն ամենի, ինչ պետք է իմանաս կանանց մասին։ Իսկ եթե արդեն վայելել ես հաճույքը, ապա ամրապնդիր այն, գիտակցությամբ, որ կինը որքան էլ որ տարօրնինակ է, սեքսից հետո համբուրվել ու ամեն տեսակ հիմարություններ փսփսալ է ցանկանում, այլ ոչ՝ ծխել ու քնել։