Երեւանի Կոմայգու տարածքում 54-ամյա Սմբատ Սարգսյանն իր մոտ եղած ծակող-կտրող գործիքով հարվածել է Մովսես Մնեյանի որովայնին: Կենտրոն եւ Նորք-Մարաշ համայնքների ընդհանուր իրավասության դատարանից NEWS.am-ը տեղեկացավ, որ սույն գործը քննվելու է իրենց մոտ:

Գործի նյութերի համաձայն` 54-ամյա Սմբատ Սարգսյանը Երեւան քաղաքի «Կոմայգի» զբոսայգու տարածքում վիճաբանելով Մովսես Մնեյանի հետ` իր մոտ եղած ծակող-կտրող գործիքով հարվածել է վերջինիս որովայնին: Սմբատը վերջինիս առողջությանը դիտավորությամբ պատճառել է ծանր վնաս` կյանքին վտանգ սպառնացող:

Քրեական գործ է հարուցվել 112  հոդվածի 1-ին մասով: Խափանման միջոց ընտրվել է կալանավորումը: Առաջին դատական քննության օրը նշանակվել է մարտի 12-ին: