Ռեալ Մադրիդի հարձակվող և Պորտուգալիայի ազգային հավաքականի ավագ Կրիշտիանո Ռոնալդուն Ֆուտբոլի պատմության մեջ ամենաթանկ ֆուտբոլիստն է` տարեկան աշխատավարձը կազմում է 16 միլիոն դոլար: Նրա երկրպագուների թիվը Facebook-ի անձնական խմբում կազմում է ավելի քան 25 միլիոն: Նա ոճային է` նախընտրելով Armani, Gucci, Nike ապրանքանիշերի հագուստները, ունի մեքենաների բազմազան հավաքածու, բայց նրա ամենավերջին ձեռքբերումը հինգերորդ առանձնատունն է, որն ամենա մեծն է, ամենա թանկը, ամենա տարբերվողը, և գտնվում է Անգլիայում: Այս տնով հետաքրքրված է և ապշած ամերիկահայ Քիմ Քարդաշյանը, ով ԶԼՄ-ից մեկում հայտնել է իր հիացմունքը: Տան արժեքը 6 միլիոն դոլար է: Հետաքրքիր է այն հանգամանքը, որ տունը գտնվում է Անգլիայի ոչ հարուստ գյուղերից մեկում, իսկ այս տան կառուցումից հետո գյուղը դարձել է շատ հայտնի, ինչը առաջացրել է կոնսերվատիվ գյուղացիների զայրույթը, քանի որ վերջիններս չեն ցանկանում, որ իրենց բնակավայրը ուշադրության կենտրոնում լինի: Առանձնատունն ունի յոթ շքեղ ննջասենյակ, երեք լոգարան, լողավազան, սաունա, ջակուզի, կինոսրահ, ինչպես նաև գեղեցիկ կահավորված մարզադահլի,-գրում է el.am-ը:

Տան դռները և պատուհանները ապակյա են, ինչն առանձնատանը հաղորդում է ֆուտուրիստական տեսք: Կրիշտիանոն ասել է, որ տան ինտերիերը չի հոգնեցնում, քանի որ արևի և լուսնի շողերը թափանցելով ներս, օրվա տարբեր ժամանակահատվածներում առանձնատանը հաղորդում են տարբեր երանգներ: Ըստ որոշ լրատվամիջոցների` հենց նույն գյուղում ուզում է առանձնատուն գնել հանրաճանաչ ֆուտբոլիստ Դևիդ Բեքհեմը: