Լողազգեստը լողափային նորաձեւության գլխավոր բաղադրիչն է: Հենց դրա ստեղծմանն են նորաձեւության դիզայներներն ուղղում առավելագույն էներգիա, ուժ եւ ներշնչանք: Լողափային սեզոնի լողազգեստների ամենից հայտնի եւ նորաձեւ ձեւերն են բանդոն, մոնոկինին եւ ամբողջական մոդելները: Լողազգեստ ընտրելիս կողմնորոշվեք 2013-ի լողափային նորաձեւության ոճով: Այս տարի առավելագույնս արդիական են 50-ական թվականների pin-up-ը, 80-ականների սպորտային ոճն ու գրաֆիկան, ինչպես նաեւ ներքնազգեստին նմանեցված դիզայնը:

Ուշադրություն դարձրեք ծոպերով եւ բոլորածալքերով արված լողազգեստներին: Նորաձեւ են նաեւ յուրահատուկ թեւքերը, գծերի միահյուսումն ու հյուսվածքից ներդիրները: Լողափային նոր սեզոնում արդիական են նուրբ գույներով եւ հյութեղ նեոնային երանգներով լողազգեստները, նորաձեւ են մետաղական էֆեկտը, ծովային թեմատիկան, գրաֆիկան եւ կենդանիների նկարները:

Նորաձեւ են գունազադված ծղոտից, հյուսված կամ կտորից պայուսակները, ինչպես նաեւ արտասովոր փոքր մոդելները եւ ձեռնապայուսակները: Լողափին առանց հարմար կոշիկի անհնար է. դիզայներները ստեղծել են հունական ոճով բոկոտիկներ, ներմուծել վառ գույներ: Նորաձեւության միտումներից են նաեւ բնական նյութերը, էթնիկ ոճը եւ ռետրոն:

NEWS.am STYLE