Ղրղըզստանի խորհրդարանը վերջերս հայտնել է երկրի քրեական օրենսգրքում փոփոխություններ կատարելու մասին, որոնց համաձայն երկրի բոլոր մանկապիղծները քիմիական կրտման կենթարկվեն:

Ըստ ստորագրված օրինագծի` անչափահասների նկատմամբ բռնություն գործածներին բանտից ազատվելուց 6 ամիս առաջ հատուկ ներարկում կանեն: Քիմիական կրտումը ազդում է տեստոստերոն հորմոնի արտադրության վրա, նվազեցնում է սեռական ցանկությունը, նրա ազդեցությունն զգացվում է մեկ ամսվա ընթացքում: 

Պատգամավորների խոսքով` իրենք ստիպված էին դիմել այդ քայլին, քանի որ անչափահասների նկատմամբ սեռական բռնությունների դեպքերը տարեցտարի հաճախակիանում են իրենց երկրում: