Մանուկ հասակում մանկապարտեզի դաստիարակչուհու հարվածից կուրացած 32-ամյա Արման Հարությունյանն օգնություն է հայցում:

Նա իր բաց նամակում գրում է.

«Ես` Արման Ռաֆայելի Հարությունյանս /ծնված`1981թ.,մարտի 29/ 6 տարեկան հասակում, մանկապարտեզի ուսուցչուհու ձեռքի հարվածի հետեւանքով, կուրացել եմ: Սկզբում աչքս այտուցվել էր, հետո աստիճանաբար սկսեցի վատ տեսնել, այնուհետեւ աջ աչքս ամբողջովին կուրացավ: Բժիշկները ախտորոշեցին գլաուկոմա: 1989թ.Երեւանում վիրահատեցին,1998թ. Մոսկվայում, սակայն ոչ մի արդյունք: Բացի դա տարիներ անց նաեւ մյուս աչքս կուրացավ: Ունեմ առաջին կարգի հաշմանդամի կարգավիճակ եւ ստանում եմ ընդամենը 18.000 ՀՀ դրամ: Չեմ աշխատում, գտնվում եմ ֆինանսապես վատ վիճակում:

Թեեւ իմ վերը նշված կարգավիճակին, ես կարողացա գրավել իմ ներկայիս կնոջ սիրտը, ով հաշվի չառնելով իմ կույր լինելը, համաձայնեց ամուսնանալ ինձ հետ: Ունեմ մեկ որդի` 1 տարեկան, ում երազում եմ իմ աչքերով տեսնել: Տարիներ շարունակ ապրել եմ` աղոթելով Աստծուն եւ հավատացել, որ կգա մի օր եւ ես նույնպես կրկին կտեսնեմ արեւի լույսը, իմ սիրելի կնոջը եւ մեր սիրո պտղին` որդուս: Ի ուրախություն ինձ Գերմանիայի բժիշկները /մինչ այդ բոլոր անհրաժեշտ փաստաթղթերը ուսումնասիրելուց հետո/ տեղեկացրեցին,որ կարող են վերականգնել կորցրած տեսողությունս: Սակայն չեմ կարողանում անհրաժեշտ գումարը հավաքել եւ մեկնել երազանքիս իրականացման ետեւից:

Հարգելի հայրենակիցներ, քաղաքական եւ պետական գործիչներ,ինչպես նաեւ բարերարներ հայցում եմ Ձեր օգնությունը: Խնդրում եմ օգնեք ինձ վերականգնել իմ տեսողությունը, քանի որ իմ վերջին հույսը դուք եք»:

Օգնության համար գումարը խնդրում եմ փոխանցել Ինեկոբանկի Երեւանի մասնաճյուղի հետեւյալ հաշվեհամարներին.

2051252553771020 USD

2051252553771001 AMD

2051252553771040 EUR

Այլ երկրներից՝  20512 52553771020 USD, 20512 52553771040 EUR  հաշվեհամարներին:

Ցանկության դեպքում կարող եք նաեւ զանգահարել հետեւյալ հեռախոսահամարով` /094/ 00 44 05