Ուրալում կինը սպանել է հարազատ երեխային, որպեսզի նրան չկարողանա վերցնել իր ամուսինը, ով որոշել էր բաժանվել:

Պերվոուրալսկի ոստիկանություն է դիմել Պյոտր Տենզինը՝ բողոք ներկայացնելով իր կնոջ հանդեպ: Տղամարդու խոսքերով, իր կինը՝ Իրինան, արդեն երկար ժամանակ է թույլ չի տալիս հանիդիպել իր 4-ամյա որդուն՝ Նիկիտային:

2 շաբաթ առաջ ամուսինները կռվել են, և Պյոտրը գնացել է ուրիշ քաղաք՝ որոշելով բաժանվել: Վերադառնալով Պերվոուրալսկ՝ որդուն տեսնելու համար, տղամարդը չի կարողացել գտնել երեխային:

Այն հարցին, թե որտեղ է գտնվում Նիկիտան, կինը պատասխանել է, որ որդին ինչ-որ տեղ խաղում է երեխաների հետ, սակայն հետո խոստովանել է, որ սպանել է որդուն:

Կինը պատմել է ոստիկաններին, որ ամուսնու հեռանալուց հետո որոշել է սպանել իրենց որդուն, որպեսզի նա ոչ մեկին բաժին չհասնի: Իրինան երեխային տարել է ինչ-որ դատարկ տուն և գոտիով խեղդել է նրան: Երեխայի մարմինը նա թաքցրել է հատակի տակ:

Փաստի առթիվ հարուցվել է քրեական գործ: Երեխայի մարմինը արդեն գտել են: Այժմ դեպքի վայրում աշխատում է քննչական խումբը: