ՀՀ ՊՆ N զորամասի մարտական հենակետերից մեկում հունվարի 14-ին ժամը 10.40-ի սահմաններում  համածառայակցի կողմից արձակված կրակոցի հետեւանքով գլխի շրջանում հրազենային մարմնական վնասվածք է ստացել եւ Կենտրոնական կլինկական զինվորական հոսպիտալ է տեղափոխվել նույն զորամասի պարտադիր ժամկետային զինծառայող, կրտսեր սերժանտ Մհեր Արմենի Պետրոսյանը: Մեր ունեցած այս տեղեկությունը NEWS.am-ի թղթակցի հետ զրույցում ասաց Հայաստանի ՊՆ քննչական ծառայության հասարակայնության հետ կապերի բաժնի ավագ սպա Մերի Սարգսյանը:

Փաստի աթռիվ ՀՀ ՊՆ քննչական ծառայությունում հարուցվել է քրեական գործ ՀՀ ՔՕ-ի 373 հոդվածի 2-րդ մասի հատկանիշներով (զենքի, ռազմամթեքի եւ շրջապատի համար առավել վտանգ ներկայացնող առարակաների, նյութերի հետ վարվելու կանոնները խախտելը, որը մարդու առողջությանը անզգուշացությամբ պատճառել է ծանր վնաս): Կատարվում է  նախաքննություն:

Մեր տեղեկություններով` դեպքը տեղի է ունեցել Արարատում տեղակայված զորամասում, Մհեր Պետրոսյանը զորակոչվել էր Մեղրիից 2012թ գարնանը: Նրա առողջական վիճակը ծանր է: