Է.Լ.Ջեյմսի «Մոխրագույնի 50 երանգ» վեպը դարձել է 2012 թվականի գլխավոր գրքային սենսացիան։ Ի սկզբանե հեղինակը մտադիր է եղել «Վամպիրական սագայի» շարունակությունը գրել։ Համացանցում վեպը շատ արագ տարածվեց, ու գրողը, հասանելի տարբերակից հանելով, լրջորեն մշակեց ստեղծագործությունը։ Այսպես լույս աշխարհ եկավ «Մոխրագույնի հիսուն երանգ» վեպը, որը ծրագրված եռագրության առաջին մասը դարձավ։ Բազմաթիվ բացահայտ եւ նույնիսկ սադրիչ սեքսուալ տեսարաններով հարուստ գիրքը բառացիորեն բռնկել է գրքի շուկան, ինչն Էրիկայի համար, իր խոստովանության համաձայն, բացարձակ անսպասելի էր ու նույնիսկ ցնցող։

NEWS.am STYLE – ը բեսթսելերից մի քանի հատված է ներկայացնում.

1. «Մեր մատները մի ակնթարթ հպվեցին, եւ ես կրկին էլեկտրական հոսանքի շիթը զգացի, կարծես բաց լարի էի կպել։ Զգում եմ, թե ինչպես է շիթն անցնում մարմնովս մեկ ու կորում է ինչ-որ տեղ որովայնում, ակամայից պահում եմ շունչս՝ հուսահատ փորձելով հետ բերել հոգեկան հավասարակշռությունս»։

2. «Եթե ես լինեի նրանը… սակայն ես նրանը չեմ։ Թեեւ, հավանաբար, հոգու խորքում դեմ չեմ։ Այս միտքը դուրս է պրծնում նրա մեծամտության ծնած ընդվզումի միջից։ Ես կարմրում եմ. իմ քմահաճ ենթագիտակցությունն ուրախ հուլա-հուլա է պարում միայն այն մտքից, որ ես կարող էի նրանը լինել»։

3. «Ես ձգվում եմ նրա կողքին, զգալով, որ ոսկորներս դոնդող են դարձել։ Ամբողջովին թուլացած եմ եւ չեմ կարող ժպիտը ջնջել դեմքիցս»։ Հիմա հասկանալի է, թե ինչի շուրջ է այսքան աղմուկը։ Ես նույնիսկ չգիտեի, որ իմ մարմինն ընդունակ է ազատագրվել, ինչպես ձգված զսպանակ, այսպիսի հիացմունքով, այսպիսի աննկարագրելի երանությամբ»։

4. «Աչքերիս առաջ նրա սեւեռուն գորշ հայացքն է, եւ այդ մտքից ողջ մարմինս լարվում է։ Ծանր շնչում եմ։ Քրիստիանը հիմա հեռու է, իսկ ես արդեն անհամբեր եմ։ Բայց չէ՞ որ հարցը միայն սեքսը չէ»։

5. «Գայթակղության այս խաղում միայն նա է իմանում ու հասկանում կանոնները, եւ դա ինձ չի խանգարում։ Ես չափազանց միամիտ ու անփորձ եմ»։

6. «Նրա հպումներից ողնաշարիս երկայնքով փշաքաղվում եմ, եւ զարթնում են նյարդային բոլոր հանգույցներս։ Նա մեջքիս այնքան մոտ է կանգնած, որ զգում եմ նրա մարմնի ջերմությունը, եւ նույնպես այրվում եմ։ Զգայուն ցանկությունից որովայնիս ներսում մկաններս ձգվում են։ Օհ, Քրիստիանը դեռ չէր դիպել ինձ, իսկ ես արդեն ուզում եմ նրան»։

7. «Օ, Քրիստիանի մոլորված հայացքը, երբ դուրս եկա սենյակից։ Ես այնքան խիստ եմ եղել նրա հետ, այնպես ցնցված եմ նրա դաժանությունից…կների արդյո՞ք նա ինձ… կներեմ արյդո՞ք ես նրան»։