Ռուսաստանի ՆԳՆ «Կ» վարչության աշխատակիցները Օրենբուրգի իրենց գործընկերների հետ խափանել են անչափահաս աղջիկների նկատմամբ սեռական բնույթի անբարո արարքներ կատարած և այդ ամենը պատկերող լուսանկարներն ու տեսագրությունները համացանցում տարածած մանկապղծի գործունեությունը, հաղորդում է «interfax»-ը:

ՌԴ ՆԳՆ-ում հայտնել են, որ Օրենբուրգի տարածաշրջանի քաղաքներից մեկի 25-ամյա բնակիչը այդպիսի անբարո գործողություններ է կատարել առնվազն 10 տուժածների հետ, որոնց մեծամասնությունը 14-15 տարեկան երեխաներ են: Գերատեսչության տվյալներով մանկապիղծը աղջիկներին գտել է համացանցի միջոցով և նրանց առաջարկել հանդիպել իր տանը:

Սեռական բնույթի գործողությունները նա լուսանկարել և տեսագրել է, ապա տեղադրել համացանցի ֆայլերի փոխանակման միջավայրերից մեկում:

Օպերատիվ աշխատակիցներին հայտնի է դարձել, որ 2012թ. դեկտեմբերից սկսած մանկապիղծը սեռական բնույթի անբարո գործողություններ է կատարել 15-ամյա մի աղջկա նկատմամբ: Որպեսզի իր գործունեության այս դրվագը պատկերող,բաց բնույթ կրող տեսագրությունը հնարավորինս շատ օգատերերի համար լինի մատչելի, նա հղումներ է տեղադրել սոցիալական ցանցերում և համացանցի այլ ռեսուրսներում:

Կասկածյալը բերման է ենթարկվել: Նրա բնակարանի խուզարկության ժամանակ բռնագրավվել է նոութբուք, էլեկտրոնային տեղեկատվության զանազան կրիչներ, որոնցում հայտնաբերվել է անչափահասներին անբարո իրավիճակներում ներկայացնող ավելի քան 80 տեսահոլովակ և այդ հանցագործությունը հաստատող այլ փաստական նյութեր: