Երբ Նաոմի Ջեկոբսը լույս աշխարհ բերեց իր գեղեցկուհի դստերը, թվում էր, թե դա պետք է լիներ իր կյանքի ամենաերջանիկ օրը, սակայն բժիշկները հայտնեցին նորաթուխ մայրիկին, որ նա չի կարողանա մեծացնել իր փոքրիկին, որովհետև հիվանդ է հազվադեպ հանդիպող արգանդի վզիկի քաղցկեղով և նրան 18 ամսվա կյանք է մնացել:

«Ահավոր էր լսել, որ ես քաղցկեղ ունեմ, բայց մի կողմից ինձ համար հեշտ էր, որովհետև ես ունեի Լիլիին: Նա իմ խնամքի կարիքն ուներ և ես այլընտրանք չունեի», - ասել է Նաոմին:

«Ինձ ասացին, որ ապրելու հավանականությունը 20% է: Ես հիվանդության մասին նայեցի համացանցում, սակայն դա ամենավատ բանն էր, որ ես կարող էի անել: Այնտեղ գրված էր, որ ես ապրելու եմ 18 ամիս: Ահավոր շաբաթ էր», - նշել է Նաոմին:

Երկու ամիս շարունակ Նաոմի քիմիոթերապիայի կուրսեր անցավ, այնուհետև բժիշկները ճառագայթային թերապիայի 5-շաբաթյա կուրսեր նշանակեցին:

Մարտի սկզբին Նաոմիի բուժումն ավարտվեց: Նա գտնվում էր վերականգնողական փուլում: Բժիշկները, սակայն, հայտնել են, որ 80% հավանականություն կա, որ նորից ուռուցք կառաջանա:

Նաոմին ասում է, որ Լիլին փրկեց իր կյանքը: Եթե նա չծնվեր, բժիշկները չէին հայտնաբերի իր ուռուցքը:

«Այժմ մենք վայելում ենք կյանքը: Բժիշկներն ինձ ասել են, որ էլի երեխաներ կարող եմ ունենալ, սակայն Լիլին կարծես լույսի կտոր լինի», - ասել է երջանիկ մայրիկը: