Թերթն անդրադարձել է ապրիլի 12-ին Ավան վարչական շրջանում բիզնեսմեն Ալբերտ Ղարիբյանի` «Չինացի Աբոյի» որդու ինքասպանության թեմային: Վերջինս ինքասպան էր եղել կախվելու միջոցով:

Մանրամասները պարզելու համար թղթակիցն այցելել է Ավան թաղամաս:

Հարցուփորձի ժամանակ «Հայփոստ»-ի աշխատակիցներից մեկը տեղեկացրել է, որ Ալբերտ Ղարիբյանի որդու ինքնասպանությունը Ավանում տեղի ունեցած միակ տարօրինակ դեպքը չէ: Նրա խոսքով` բիզնեսմենի տանից մի փոքր վերև ` Նարեկացու 31մ շենքում, ևս մի տղայի դի են գտել` էլի ինքասպան եղած: Խոսքը 37-ամյա Ռուբեն Ներսիսյանի մասին է, որի դին հայտնաբերվել է Հրազդանի կիրճում` Ս.Սարգիս եկեղեցու մոտակայքում:

«Ասում են` այս երկու դեպքերը կապված են իրար հետ, բայց չեմ կարող պնդել»,- ասել է «Հայփոստ»-ի աշխատակիցը:

Ըստ թերթի` դիակից քիչ հեռու հայտնաբերվել է Ջրվեժում գործող «Ֆլամինգո» խաղատան քարտ, անձնագիր և բջջային հեռախոս:

«Դատելով քարտի առկայությունից` չի բացառվում, որ խաղատանը տանուլ տված գումարը կարող է ինքնասպանության պատճառ լինել»,- գրում է թերթը: