Այսօր ես' մեծն, հզոր, միակ ու անկրկնելի,ինքնասիրահարված,ինքնահաստատված ինքնա-յով սկսվող շատ ու շատ բառեր պարունակող հիասքանչ ու աննման բլոգգերս ցանկանում եմ կիսվել իմ կյանքի փորձից: Գիտեք,ես արդեն 16 տարեկան եմ և իմ կյանքի դժվար,երկար ու քարքարոտ ճանապարհին շա~տ բաներ եմ տեսել: Ու ինչպես կարող եմ ես չկիսվել ձեզ հետ? Չէ որ ես միակս ու անկրկնելիս պարտավոր եմ կիսել իմ կյանքի մե~ծ փորձը ձեզ հետ: Առանց իմ խորհուրդների դուք ուղղակի կորած եք:Դե գիտեք,ինձ նմանը չկա,ես մի հրաշք եմ երկնքից իջած:
Ուրեմն սկսենք իմ խորհուրդները:
Այ օրինակ, դուք գիտեք,թե ինչ է դանակը? Կարող եք չասել,ես գիտեմ,որ չգիտեք: Ուրեմն դանալը այսպիսի սուր մի բան է,որն օգտագործում են,ասենք, կաղամբ,խնձոր, կտրտելու ժամանակ: Անպայման ծանոթացեք նրա հետ.իսկ գիտեք ինչպես են այն օգտագործում?Օհ~ ,հիմա լուսավորեմ ձեզ.վերցնում ենք դանակը ափի մեջ,բռնում ենք ափով,մատները սեղմում ենք ըստ դանակի,որպեսզի այն վայր չնկնի: Հա ի դեպ, մատներն ու ափն էլ իրենց հերթին մեր ձեռքերն են: Մենք նաև ձեռքեր ունենք,նրանց նույնպես կարելի է օգտագործել,բայց չի կարելի ուտել: Ահ կներեք,շեղվեցի: Ուրեմն վերցնում ենք դանակը ու կտրատում ենք կաղամբ ու խնձոր: Դանակով չի կարելի խխունջ կտրատել,դանակը չի կարելի կուլ տալ կամ ծամել:
Ահա,օգտագործեք դանակն ու վայելեք մեծ հաճույքով: Հա,կներեք,մոռացա ասել: Դանակի բոլոր հեղինակային իրավունքները պաշտպանված են: Եթե որևէ մեկը ինձնից բացի կօգտագործի դանակի բաղադրատոմսն ու բացատրությունը,օգտագործելուց առաջ պետք է անպայման տա իմ անունը,քանի որ ես ' միակս ու անկրկնելիս եմ առաջին անգամ խոսել նրա մասին:
Հաջորդ իմ հրաշագեղ փոստում ես ձեզ կպատմեմ,թե ինչպես ծամել հացը,որպեսզի լեզուդ էլ հետը չծամես,ինչպես կարելի է կապել մազերն առանց կոշիկ հագնելու և թե ինչ կապ ունի իմ սառնարանը ձեր փողկապի հետ,եթե ես չեմ ծխում: Սիրով' մեծն,աննման,ինքնասիրահարված ու բոլորից բարձր, սակայն իրականում ապուշ ու տխմար ,մարդկանց նեռվերն ուտող հիմար մարդնանման չգիտեմ թե ինչ :
Կարդացիք գրածս? Հիմարություն էր,այնպես չէ? Մի վախեցե~ք ժողովուրդ ջան,իմ "զվոյզդն" ամենևին չի տարել :) Ես ուղղակի այս փոստով ուզում եմ ձեզ հասկացնել,որ հերիք է ցավացնել իմ ու այլ մարդկանց ուղեղները տափակաբանությամբ:Ես չեմ ուզում կարդալ ձեր հիմար խորհուրդները, չեմ ուզում իմանալ,թե ինչպես կարելի է գիրքը դնել դարակում կամ էլի ինչ-որ այդպիսի բաներ: Ես պարտավոր չեմ կարդալ ամեն մի հիմարություն ու ուղղակի իրավունք ունեմ պահանջելու մակարդակ :
p.s. Հուսով եմ գրածս ինչ-որ արդյունք կտա:Մարդիկ կվերանայեն իրենց տված խորհուրդները: Ախր հրաշալի է,երբ տվածդ խորհուրդն իրոք տեղին է, գրագետ է ու օգնում է: Բայց եթե իմ իրոք շատ սիրելի բլոգգերները շարունակեն տալ ինչ-որ անիմաստ խորհուրդներ,ապա ես իմ խորհուրդներով այնքա~ն "ծնգլահան" կանեմ,որ դուք կզզվեք ինձնից : հավատամ,որ այդ չարաբաստիկ "հաջորդ անգամ"-ը երբեք չի գա,թե չէ կսկսեմ ձեզ պատմել,թե ինչպես ոտքդ գետնին դնել,որ հողի մոլեկուլները չվիրավորվեն :

http://sunesevada.blogspot.com/2011/06/blog-post_8052.html