Այսօր՝ հունվարի 11-ին, նշվում է Շնորհակալության միջազգային օրը: 

Հայտնի դերասան Մկոն շնորհակալ է իր ընտանիքին. «Չեմ կարա բացատրեմ, թե ինչու ու չեմ էլ անի դա: Դե բացատրելու բան էլ չի...»

Դերասանուհի և պարուհի Սոֆի Դեևոյան. «Ես հաճախ եմ շնորհակալություն ասում: Առաջին հերթին Աստծուն՝ ամեն օր և երեկոյան, որովհետև գտնում եմ, որ դրանից ավելի մաքուր և լավ է լինում հոգումս»:

Քրիստինե Պեպելյանը շնորհակալ էր մեզ՝ իրեն հիշելու համար. «Այնքան հաճախ եմ շնորհակալություն ասում: Շնորհակալ եմ հանդիսատեսին, աշխատանքիս, երկրպագուներիս, գնահատվելու համար եմ շնորհակալ... Կարելի է ասել, որ աշխատում եմ շնորհակալ ապրեմ»:

Երգչուհի Ջուսն իր մտքերն արտահայտել է Facebook-ի իր էջի այսօրվա կարգախոսում. «Ես շնորհակալ եմ առաջին հերթին իմ հանդիսատեսին: Իսկ ընդհանրապես, շնորհակալության օր ինձ մոտ ամեն օր է: Ես ամեն մեկին շնորհակալ եմ և աշխատում եմ միշտ ասել այդ բառը»: