Արդիականության ամենաաստղային զույգ Անջելինա Ջոլին ու Բրեդ Փիթը յոթերորդ երեխային են սպասում։Դերասանուհին արդեն երեք ամիս է ինչ հղի է, առավոտները նա սրտխառնոց է ունենում։ Հենց այդ պատճառով էլ Անջելինան սկսել է հազվադեպ դուրս գալ, թեեւ մեկ ամիս առաջ նա այցելում էր աֆրիկյան փախստականների ճամբարներ՝ որպես բարի կամքի դեսպան։ Իսկ այժմ նա չի կարող նման բան թույլ տալ իրեն։ Այս մասին հաղորդում է The Huffington Post-ը։

Հիշեցնենք, որ Բրեդ Փիթն ու Անջելինա Ջոլին, ամենայն հավանականությամբ ամուսնացել են Ծննդյան տոների նախաշեմին։ Արարողությունը տեղի է ունեցել Թերքս եւ Կայկոս կարիբյան կղզիներում, որտեղ զույգն իր հանգիստն էր անցկացնում։ Նրանց պաշտոնական ներկայացուցիչներն առայժմ չեն մեկնաբանում այս լուրը։