եկ-երկու և ... ու դու այևս դպրոցական չես. բոլորը նայում են քեզ ավելի լուրջ հայացքով, քանի որ արդեն մեծ ես ու մտնում ես կյանքի նոր փուլ: Հավանաբար, հազար ու մի հարց է պտտվում գլխումդ, փորձում ես արագորեն հարմարվել «օրիորդ» կարգավիճակին... Cosmo-ն կփորձի մի քանի խորհուրդներով օգնել քեզ, որպեսզի դու ավելի սահուն անցնես «պարմանուհուց՝ օրիորդ» ճանապարհը ;)

Ըստ Գայանե Գալստյանի

4 ժամ հայելու դիմաց

Ո՞ր մի աղջիկը այս տարիքում իր վրա բազմաթիվ փորձեր չի արել կամ մի քանի ժամ շարունակ տանջվել հայելու դիմաց՝ իր սիրած դերասանուհուն նմանվելու համար:

«Այս տարիքում դեռահասները չափազա՜նց շատ են ուշադրություն դարձնում արտաքնին, որի պատճառը սեփական անձի հանդեպ պահանջկոտությունն է: Մյուս կողմից էլ իր մեծ ազդեցությունն է ունենում հասարակական կարծիքը»,- նշում է հոգեբանը:
Երեկոյան make-up-ներ փորձելու փոխարեն կարող ես ուղղակի հարցնել մայրիկիդ կամ մեծ քրոջդ, որոնք շատ ավելի լավ խորհուրդներ կտան քեզ ճիշտ և չափավոր դիմահարդարվելու հարցում, կամ պարզապես կարդա Cosmo ;)

Տրամադրության հաճախակի փոփոխություննե՞ր

Դեռահասության տարիքում սկսվում են հորմոնալ լուրջ փոփոխություններ, որոնք առաջին հերթին ազդում են տրամադրության վրա: «Այնպես որ պետք չէ մտածել, թե միայն դու ես դարձել դյուրագրգիռ ու ամեն ինչ միայն քեզ վրա է ազդում», - նշում է Cosmo-հոգեբան Տաթևիկ Աղաբեկյանը:
Ցրվելու համար պարզապես զբաղվիր քո սիրած գործերով կամ հանդիպիր ընկերներիդ, ու գնացեք զվարճանալու:

Խառնաշփոթ անձնական կյանքում

Կրկին նորմալ է. այսօր՝ «Ես կյանքս կտամ նրա համար», վաղը՝ «ինչ ստորաբար նա վարվեց, ես այլևս չեմ ուզում ապրել». անցումային տարիքում ռոմանտիկ կապերն ու հարաբերությունները դառնում են առաջնային՝ ստվեր գցելով մնացած ամեն ինչի վրա: Հորմոնների ակտիվացման հետ կապված՝ սիրահարություններն ու հիասթափությունները շատ արագորեն հաջորդում են միմյանց: Այն, ինչ քեզ այսօր կյանքի վերջն է թվում, իրականում անգամ սկիզբ չի ;)

P.S. Մեկընդմիշտ հիշի՛ր, որ դա միայն թվում է, որ քեզ չեն հասկանում: Նման պահերին նյարդայնանալուց առաջ մի փոքր սպասիր, մեկ-երկու րոպեով կտրվիր սեփական խնդրիցդ ու ինքդ քեզ փորձիր նայել դիմացինի աչքերով, արդյունքում կսովորես ընկալել դիմացինի տեսակետը, ինչպես նաև շուտափույթ սխալ որոշումներ չես կայացնի

cosmo.am