Շաքարային դեպիլյացիայի «գյուտը» վերագրում են Կլեոպատրա թագուհուն, ով պարծենում էր իր նուրբ, թավշյա մաշկով: Արագ եւ մեծ տարածում գտավ շուգարինգը (անգլ. sugar՝ շաքար բառից), եւ այսօր էլ շատ կանայք նախընտրում են մազահեռացման հենց այս տարբերակը անգամ սալոնային մեթոդներից:

Շաքարով դեպիլյացիայի ժամանակ ավելի քիչ են հանդիպում մաշկի գրգռվածության դեպքեր, քան նրա նմանությամբ արվող մեղրամոմով մազահեռացման:

Ասում են՝ շուգարինգի իսկական վարպետներն ապրում են արաբական երկրներում: Թունիսում, օրինակ, շաքարային դեպիլյացիան մտնում է հարսի համար արվող պարտադիր կոսմետիկական պրոցեդուրաների շարք: Շաքարը եփում են ջրում կիտրոնի հյութի հետ՝ ստանալով թանձր զանգված, որից գնդիկներ են պատրաստում եւ մաշկի վրայով գլորելով՝ հեռացնում են մազերը:

Ինքներդ էլ կարող եք փորձել: Խառնեք տասը ճաշի գդալ շաքարը, կես կիտրոնի հյութը եւ մեկ ճաշի գդալ ջուրը: Խառնուրդը եփեք շատ ցածր կրակի վրա՝ չփոխելով ջերմաստիճանը: Երբ զանգվածը ոսկեշագանակագույն դառնա ու բուրի կարամելի պես, ուրեմն պատրաստ է: Թողեք՝ մի քիչ էլ եռա, մինչեւ մակերեսին հայտնվեն մանր պղպղջակներ: Մածուցիկ զանգվածը հովանալուց հետո քսեք մաշկին եւ մի մոռացեք, որ հեռացնել պետք է մազարմատներին հակառակ ուղղությամբ:

Առաջին անգամ շուգարինգ ավելի լավ է անել սալոնում: Պրոցեդուրան որակյալ կազմակերպելու համար փորձ ամեն դեպքում պետք է:

http://ladynews.am