Երկու տարի առաջ տեղի ունեցավ ցավալի իրադարձություն. 20-ամյա Էմման ինքնասպանություն գործեց դեղահաբերի միջոցով: Դեպքի մասին գյուղում երկար ժամանակ ոչինչ չէր խոսվում. Էմմայի հարազատները մինչ օրս էլ շարունակում են լռել ու արգելում են իրենց հարցեր տալ Էմմայի մասին:
Միայն Էմմայի մտերիմ ընկերուհին համաձայնեց մեզ պատմել դեպքի մանրամասները:
Էմման Երևան էր տեղափոխվել ուսման նպատակով: Քանի որ քույրն ամուսնացել էր Երևանում և մայրաքաղաքում էր բնակվում, ծնողները որոշեցին, որ մինչ ուսման ավարտը նա կապրի քրոջ տանը` ամուսնու ու նրանց երեխաների հետ:
Էմմայի քրոջ ամուսինը` Արթուրը, հենց սկզբից աչքի էր ընկնում տարօրինակ պահվածքով: Նա յուրահատուկ ուշադրություն էր ցուցաբերում Էմմայի հանդեպ. անգամ երբեմն Էմմային համալսարանից տուն էր ուղեկցում, իսկ Էմմային էլ խնդրում` քրոջը ոչինչ չասել:
Մի օր էլ նա Էմմային համալսարանից տուն ուղեկցելիս նրան ոչ թե տուն, այլ քաղաքից դուրս տարավ, որտեղ էլ առանց Էմմայի համաձայնության` սեռական հարաբերություններ ունեցավ նրա հետ: Դեպքի մասին Էմման միայն ընկերուհուն էր պատմել, ում տանն էլ գիշերել էր դրա հաջորդ օրը:
Հենց հաջորդ օրն էլ Էմման ինքնասպանություն գործեց: