Րիհաննայի նոր "Diamonds Tour” համերգային տուրը, որը մեկնարկել էր մի քանի շաբաթ առաջ, կարող է նախատեսնվածից շուտ ավարտվել: Համերգների դադարեցման պատճառը սիրված երգչուհու առողջական խնդիրներն են: Հարբուխի պատճառով Րիհաննան չեղարկել է իր Բոստոնում կայանալիք համերգը, և վերադարձել իր բնականոն աշխատանքին, այդպես էլ լիարժեք չապաքինվելով:
Վնասակար կյանքով ապրելը ավելի է բարդացրել երգչուհու վիճակը: 

«Վերջին հիվանդությունն այնքան է լրջացրել ամեն բան, որ բժիշկները անհապաղ լիարջեք հանգիստ են խորհուրդ տվել գեղեցկուհուն: Նախկին առողջ վիճակին վերադառնալու համար Րիհաննային մի քանի ամիս կպահանջվի, որի պատճառով էլ հնարավոր է չեղյալ համարվեն երգչուհու համերգային տուրերը: Րիհաննային դա շատ է վախեցրել, այնպես, որ նա աշխատում է չխմել, չծխել և շատ քնել», – մեկնաբանել է երգչուհու աշխատակազմի անդամներից մեկը, հայտնում է argamblog-ը:

Նշեմ, որ վերջերս կանադական սահմանի շրջակայքում երգչուհու ավտոբուսից մեծ քանակով մարիխուաննա էր հայտնաբերվել: