Եթե բացատրություն չունեցող տխրություն, թախիծ եք զգում, նշանակում է՝ օրը ինչ-որ պատճառով լավ չեք սկսել, բայց դա դեռ չի նշանակում՝ այդպես էլ պիտի շարունակեք…
Ահա մի քանի գաղտնիքներ, որոնց օգնությամբ րոպեների ընթացքում կարող եք դրական ազդեցություն ունենալ սեփական տրամադրության վրա:

1. Գրի առեք այն գործերը, որոնք պետք է անպայման անեք այսօր կամ շաբաթվա ընթացքում: Երբ կազմված ցանկի կետերից որեւէ մեկն իրականացված է, ջնջեք: Յուրաքանչյուր կատարված հանձնարություն ուրախություն է բերում եւ տրամադրում անցնել հաջորդին: Բայց նախ հարկավոր է վիզուալացնել անելիքների շարքը:

2. Պառկեք մեջքին եւ ձեռքերն ու ոտքերը բարձրացրեք: Դիրքը պահեք գոնե 5-7 րոպե: Նման վարժությունն արագ կարգավորում է արյան շրջանառությունը, հանում լարվածությունը մկաններից եւ հանգստացնում է մարմինը, դրական լիցքեր հաղորդում:

3. Օրգանիզմում հրաշք հորմոնների՝ սերոտոնինի եւ էնդորֆինի քանակը ավելացնելուն կօգնի 15 րոպեանոց զբոսանքը մաքուր օդում: Մի մոռացեք նաեւ այն մթերքների մասին, որոնք օգնում են վերականգնել մարտականությունը՝ մանդարին, նարինջ, խուրմա, կանաչ գույնի բանջարեղեն, պանիր, բանան, հատապտուղներ, վարսակի շիլա…

4. Լավացնել ինքնազգացողությունը հատուկ կետերի մերսման միջոցով: Բթամատով եւ ցուցամատով մերսեք մյուս ձեռքի նույն մատների արանքում ընկած հատվածը: Օգնում է ակտիվանալ:

5. Շուրջբոլորը լցրեք վառ գույներով՝ կազմակերպելով Ձեզ համար գունաթերապիա: Բացեք պահարանը եւ այնտեղից դուրս բերեք Ձեր ամենավառ գույների հագուստը, պայուսակները, աքսեսուարները: Արեք վառ դիմահարդարում ու մանիկյուր: Շատ օգտագործեք հատկապես վարդագույնը, կանաչը, կարմիրը: Այս գույներով նկար գնեք տան համար կամ ինքներդ նկարեք:

6. Շփվեք կենդանիների հետ. դա եւս տրամադրությունը արագ բարձրացնում է: Եթե չունեք ընտանի կենդանիներ, այցելեք ընկերներին, որոնք ունեն կամ գնացեք, ասենք, ձիարշավարան:

7. Զբաղվեք սպորտով: Լավ տրամադրությունն ամբողջ օրը պահպանելու համար բավական է օրական 20 րոպե մարզվել: Դե, իհարկե, այն ոչ միայն հոգեկան բավականություն կպատճառի Ձեզ, այլեւ կպարգեւի գեղեցիկ մարմին:

Աղբյուր՝ LADYNEWS.am