Երգչուհի Սիրուշոյի նոր` «ՊռեԳոմեշ» երգը արդեն հասանելի է: Ինչպես եւ խոստացել էր երգչուհին, այսօր` դեկտեմբերի 10-ին, բոլորը կարող են լսել երգը, իսկ մի քանի օրից հնարավորություն կստանան դիտել նաեւ տեսահոլովակը:

Նշենք, որ երգչուհին իր նոր երգի եւ տեսահոլովակի հետ կապված «գաղտնիքները» երկար ժամանակ չէր բացահայտում: Միայն երեկ նա հայտնեց իր նոր երգի անունը` «ՊռեԳոմեշ»: «Իսկ հիմա ամենակարեւորը. այն ինչից սկսվեց ու ծավալվեց այս աշխատանքը, ներշնչանքիս աղբյուրը, որի մեջ մեկ ակնթարթում լսեցի եւ տեսա այն ամենը, ինչ ձեզ կներկայացնեմ մոտ օրերս: Այս ամենը մեկ անվան եւ երգի շուրջ` Կոմիտաս «Լոռվա գութաներգ»: Ձեզ հետ կիսում եմ Գութաներգը հենց Կոմիտասի ձայնով: Իսկ իմ երգը, որն առաջին անգամ կհնչի դեկտեմբերի 10-ին կոչվում է... «ՊռեԳոմեշ»,- «Ֆեյսբուքի» իր էջում գրել էր Սիրուշոն: