Բրիգամի կանանց հոսպիտալի անցկացրած հետազոտությունը ցույց է տվել, թե որքան վտանգավոր կարող է լինել սթրեսը կանանց համար: Բոսթոնի 22086 կանանց օրինակով հոսպիտալն ապացուցել է` սթրեսը, որ մարդ տանում է աշխատանքի ընթացքում, հանգեցնում է սրտանոթային համակարգի հիվանդությունների,- հաղորդում է MEDdaily-ն:

Մասնագետներն առանձնացրել են չորս տեսակի աշխատանք` ըստ դժվարության ու պատասխանատվության աստիճանի: Կամավորներին հետևել են 10 տարվա ընթացքում: Այդ ժամանակահատվածում 170 կին միոկարդի ինֆարկտ է տարել, 163-ն` իշեմիկ ինսուլտ, 440-ը` ստենդավորման ենթարկվել, իսկ 52-ը մահացել է սրտի հետ ունեցած խնդիրների հետևանքով:

Ավելի վաղ Բրիգամի գիտնականները հաստատել էին` որքան հաճախ է մարդ անհանգստություն զգում, այնքան ավելի արագ է նա ծերանում:

mamul.am