Բելգրադից 60 կմ հարավ սերբական Վելիկա Իվանչա գյուղի բնակիչն այսօր առավոտյան 13 մարդու է սպանել: Հայտնում է RIA Novosti-ն:
Սպանվածները՝ 6 տղամարդ, 6 կին և մեկ փոքրիկ երեխա, եղել են 62-ամյա Լյուբիշ Բոգդանովիչի հարևանները: Հանցագործությունը կատարելուց հետո տղամարդը փորձել է կրակել իր կնոջ վրա, այնուհետև վերջ դնել սեփական կյանքին: Նրանք երկուսն էլ ծանր վիճակով հոսպիտալացվել են:
Բոգդանովիչը հրազենի թույլտվություն է ունեցել և մինչ այդ օրենքի հետ խնդիր չի ունեցել: Ոստիկանությունը պարզում է ողբերգության հանգամանքները: