Բրիտանական Proceedings of the Royal Society ամսագիրը հրապարակել է ուշագրավ մի զեկույց, որի արդյունքները վկայում են, որ կանայք փոխել են իրենց կարծիքը տղամարդու սեքսուալության հարցում։ Այժմ նրանք առավել սեքսուալ են համարում սովորական նիհար տղամարդկանց, գրում է Yahoo! News-ը։

Ուշագրավ է հատկապես այն հանգամանքը, որ եթե նախկինում կանայք գրավիչ էին համարում մաչոներին, ապա այժմ նրանց համար մկանոտ ու մարզված մարմնից էլ առավել կարևոր է տղամարդու մոտ ճարպերի բացակայությունը։
Հետազոտության շրջանակներում մասնագետներն ուսումնասիրել են 69 երիտասարդ, սպիտակամորթ տղամարդկանց՝ տարբեր արտաքիններով ու քաշերով։ Նրանցից յուրաքանչյուրին լուսանկարել են, ինչպես նաև որոշվել է նրանց օրգանիզմում եղած ճարպերի քանակը։

Տղամարդկանց մոտ 2/3-րդը եղել է նորմալ քաշի, 4% -ն ունեցել է նորմայից ցածր քաշ, իսկ մնացածն էլ եղել են գեր։
Այնուհետ երիտասարդ կանանց առաջարկվել է դատել տղամարդկանց սեքսուալության մասին՝ ըստ նրանց դեմքի և մարմնի։
 

Ստացված արդյունքները զարմացրել են հետազոտողներին. պարզվել է, որ առնական աչքի ընկնող տվյալներ ունեցող տղամարդիկ մեծավմասամբ սեքսուալ չեն ճանաչվել կանանց կողմից։ Փոխարենն իգական սեռին գրավել են միջին քաշի նիհար տղամարդիկ, որոնց օրգանիզմում ճարպերի պարունակությունը եղել է 12%: Ուստի, մասնագետները հանգել են այն եզրակացության, որ տղամարդու սեքսուալության մասին դատելիս՝ կանայք առաջին հերթին հաշվի են առնում նրա քաշը, այլ ոչ թե բիցեպսներն ու մկանոտ որովայնը։

Բացի այդ, հետազոտության շրջանակներում մասնագետներին հաջողվել է հերքել տարիներ շարունակ արմատավորված այն կարծրատիպը, թե մաչոներն ավելի հաջողակ ու տաքարյուն են անկողնում։ Պարզվել է, որ մաչոյական և «միջին վիճակագրական» արտաքինով տղամարդկանց օրգանիզմներում սեռական ֆունկցիաների համար պատասխանատու տեստեստերոն հորմոնը հավասար քանակի է։
 

tert.am