Ուկրաինական Сегодня թերթը, հղում անելով Պետական ուղղիչ ծառայության աղբյուրներին, տեղեկացրել է, որ Ուկրաինայի նախկին վարչապետ Յուլիա Տիմոշենկոյի համախոհները մտադիր են կազմակերպել նրա փախուստը բանտից:

7 տարվա ազատազրկման դատապարտված Տիմոշենկոն այժմ գտնվում է Խարկովի հիվանդանոցում:

Պարբերականի տվյալներով` նախկին վարչապետի կողմնակիցները մի քանի սցենար են քննակում նրան փախցնելու համար. հիվանդանոցից, որտեղ նա գտնվում է, գաղութից կամ դատարանից:

Աղբյուրները հայտնել են, որ փախուստի կազմակերպիչներն արդեն խորհրդակցել են փորձագետների հետ` յուրաքանչյուր տարբերակի վերաբերյալ, իսկ այժմ գումար են փնտրում` իրենց մտադրությունները կյանքի կոչելու համար:

Նախկին վարչապետի ազատման վրա աշխատում են ինչպես ընդդիմադիր քաղաքական գործիչներ, այնպես էլ ուժային կառույցների նախկին աշխատակիցներ, աֆղանական պատերազմի մասնակիցներ:

Առևանգման սցենարներից մեկը նախատեսում է ուղղաթիռի միջամտություն:

Պարբերականը չի բացառում, որ Տիմոշենկոյին կարող են տեղափոխել Ռուսաստան, որտեղ նա կարող է քաղաքական ապաստան խնդրել:

Տիմոշենկոյի պաշտպան Սերգեյ Վլասենկոն, սակայն հերքել է այս տեղեկությունները:

«Նա Ուկրաինայից չի հեռանա, քանի որ անմեղ է և չի արել այն, ինչի մեջ մեղադրում են իրեն: Նա շարունակելու է պայքարը և վերջ»,- ասել է նա:

tertnews.am