Վարսահարդարիչի հաճախակի օգտագործումը, մազերի ոչ ճիշտ խնամքը վնասում են մազերին: Ձեզ ենք ներկայացնում չոր ու վնասված մազերի վերականգնման համար նախատեսված ու շատ արդյունավետ դիմակ: Բաղադրիչները' կես բաժակ մածուն, 1 ճաշի գդալ ձիթապտղի ձեթ (կարող է լինել նաև բուսական), 1 ճաշի գդալ մեղր, 1 թեյի գդալ բալզամ, ավելի նախընտրելի է կոսմետիկ դիմակ, 2-3 ճաշի գդալ կարտոֆիլի օսլա:

Այս ամենը գոլորշու վրա պահելով խառնել իրար: Պիտի խիտ զանգված ստացվի: Դիմակը քսել լվացված ու սրբիչով չորացրած մազերին, գլխին դնել լոգանքի ժամանակ կիրառվող պոլիէթիլենային գլխարկ ու փաթաթել սրբիչով: Դիմակը պահել 30 րոպե, այնուհետ լվանալ: Լվանալուց հետո կարող եք մազի ծայրերին բալզամ քսել: