Երկար տարիների ուսումնասիրությունների արդյունքում Lifeline Biotechnologies ընկերությունը մշակել է, այսպես կոչված, «խելացի կրծկալ», որը կարող է ախտորոշել իր տիրոջ կրծքի քաղցկեղը։ Այս մասին գրում է FOX News հեռուստաալիքի կայքը: 

Սկզբունքը, որի հիման վրա մշակվում է կրծկալը, թերմոգրաֆիան է կամ էլ տաքանալու ժամանակ իրերի գույնի փոփոխությունը: Ինչպես հայտնի է, չարորակ ուռուցք ձեռք բերելու ժամանակ հյուսվածքների ջերմաստիճանն ավելի բարձր է լինում, քան սովորաբար:

Կալիֆոռնիայի նահանգի Չուլա-Վիստի Sharp Barnhart ուռուցքաբանության կենտրոնի բժիշկ Սևաշ Ջաբարին հայտարարում է, որ այդ մշակումը քաղցկեղի դեմ պայքարում «հայտնություն» կլինի, և ամերիկուհիներին, որոնցից յուրաքանչյուր 8-րդն, ըստ վիճակագրական տվյալների, տառապում է այդ հիվանդությամբ, նոր հույս կտա:

«Խելացի կրծկալը» դեռ մշակման փուլում է, սակայն հետազոտողները հաղորդում են, որ աշխատանքները հաջողությամբ առաջ են ընթանում, և ընկերությունը հույս ունի, որ թերմոկրծկալները 2 տարուց կհայտնվեն խանութներում: