Եթե հստակ գիտեք, որ Ձեր մտերիմ ընկերուհու սիրելի տղամարդը դավաճանում է նրան, ուրեմն կանգնած եք երկու կրակի մեջտեղում: Մի կողմից Դուք չեք կարող ոչինչ չասել սիրելի ընկերուհուն ու չփորձել հետ պահել նրան այն մարդուց, ով ակնհայտորեն խաբում է նրան ու փոշի փչում աչքերին: Մյուս կողմից հարց է առաջանում` արդյոք արժե խառնվել ուրիշի կյանքին: Եվ հետո` չէ՞ որ ընկերուհին կարող է պարզապես չհավատել Ձեզ ու խզել կապերը Ձեզ հետ` պնդելով, թե ստում եք:

Եվ այնուամենայնիվ, եթե որոշել եք հայտնել ընկերուհուն սիրելիի դավաճանության մասին լուրը, ուրեմն պատրաստ եղեք վատագույնին: Թեև հարկ է նշել, որ գրեթե բոլոր հոգեբանները կարծում են, որ նման պարագայում լավագույն բանը, որ կարող եք անել, ընկերուհուն տեղյակ պահելն է:

Առաջանում է հարց` իսկ ինչպե՞ս խոսել ընկերուհու հետ այդ թեմայով, ինչպե՞ս զգուշանալ նրա հնարավոր բռնկումից: Ահա երեք հիմանարար խորհուրդ.

1. Նախևառաջ, հասկացրեք ընկերուհուն, որ Ձեր նպատակը նրան օգնելն է և ոչ թե խանգարելը, բացատրեք, որ Ձեզ համար էլ է դժվար, բայց Դուք էլ չէիք կարողանում լռել:
2. Հետաքրքրվեք, թե ինչպիսին են նրա ու իր սիրելիի միջև հարաբերությունները ներկայում: Միանգամայն հնարավոր է, որ Ձեր ընկերուհին արդեն ինքն է նկատել որոշ նրբություններ ու արդեն իսկ կասկածում է իր զուգընկերոջը դավաճանության մեջ: Եթե դա այդպես է, ապա խոսակցությունը ավելի հեշտ կանցնի:
3. Եղեք անսահման զգույշ և ուշադիր: Մի մոռացեք, որ դուք, ըստ էության, որոշում եք դիմացինի ապագան:

Աղբյուր` LADYNEWS.am